|    Jan 24 Tue, 2017 12:40 pm
FLASH NEWS

മധ്യവേനല്‍ അവധി: സ്‌കൂളുകളില്‍ ക്ലാസുകള്‍ക്ക് വിലക്ക്

Published : 3rd May 2016 | Posted By: SMR

_heat-Kerala

തിരുവനന്തപുരം: മധ്യവേനല്‍ അവധിക്കാലത്ത് സംസ്ഥാനത്തെ സ്‌കൂളുകളില്‍ ക്ലാസുകള്‍ നടത്തരുതെന്ന് ഡിപിഐ ഉത്തരവ്. ഒന്നു മുതല്‍ എട്ടു വരെയുള്ള ക്ലാസുകള്‍ക്കാണ് ഉത്തരവു ബാധകമാവുക. എട്ട്, ഒമ്പത്, പത്ത് ക്ലാസുകളിലെ കുട്ടികള്‍ക്കുവേണ്ടി ക്ലാസ് നടത്തണമെങ്കില്‍ മുന്‍കൂര്‍ അനുവാദം വാങ്ങണമെന്നും ഡിപിഐയുടെ ഉത്തരവില്‍ പറയുന്നു. സംസ്ഥാനത്ത് വേനല്‍ച്ചൂട് അധികമാവുകയും സൂര്യാഘാതം ഉള്‍പ്പെടെയുള്ളവ ഉണ്ടാവുകയും ചെയ്ത സാഹചര്യത്തിലാണ് ഡിപിഐയുടെ ഉത്തരവ്.

അതേസമയം, തിരുവനന്തപുരത്ത് കനത്ത ചൂടിനെത്തുടര്‍ന്ന് ജില്ലാ കലക്ടര്‍ നല്‍കിയ നിര്‍ദേശം അവഗണിച്ച് തുറന്നുപ്രവര്‍ത്തിച്ച സ്വകാര്യസ്‌കൂള്‍ ജില്ലാ ഭരണകൂടം പൂട്ടിച്ചു. ചിറയിന്‍കീഴിലെ ഗോകുലം പബ്ലിക് സ്‌കൂളിനെതിരേയാണു നടപടി. ഈ മാസം 20 വരെ അധ്യയനം പാടില്ലെന്ന് കലക്ടറുടെ നിര്‍ദേശമുണ്ടായിട്ടും അവധിക്കാല ക്ലാ സ് നടത്തിയതാണു കാരണം. കോട്ടയത്ത് ഈ മാസം 5 വരെയും ഇടുക്കിയില്‍ 9 വരെയും കൊല്ലത്ത് 20 വരെയുമാണ് സ്‌കൂളുകള്‍ക്ക് അവധി പ്രഖ്യാപിച്ചിട്ടുള്ളത്.

Share on FacebookShare on Google+Tweet about this on TwitterShare on LinkedIn
(Visited 145 times, 1 visits today)
                     
വായനക്കാരുടെ അഭിപ്രായങ്ങള്‍ താഴെ എഴുതാവുന്നതാണ്. മംഗ്ലീഷ് ഒഴിവാക്കി മലയാളത്തിലോ ഇംഗ്ലീഷിലോ എഴുതുക. ദയവായി അവഹേളനപരവും വ്യക്തിപരമായ അധിക്ഷേപങ്ങളും അശ്ലീല പദപ്രയോഗങ്ങളും ഒഴിവാക്കുക .വായനക്കാരുടെ അഭിപ്രായ പ്രകടനങ്ങള്‍ക്കോ അധിക്ഷേപങ്ങള്‍ക്കോ അശ്ലീല പദപ്രയോഗങ്ങള്‍ക്കോ തേജസ്സ് ഉത്തരവാദിയായിരിക്കില്ല.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക