|    Apr 20 Fri, 2018 12:37 am
FLASH NEWS
Home   >  Todays Paper  >  page 7  >  

മധ്യപ്രദേശ്: രണ്ട് സീറ്റിലും കോണ്‍ഗ്രസ്‌

Published : 1st March 2018 | Posted By: kasim kzm

ഭോപാല്‍: ഈ വര്‍ഷാവസാനം പൊതുതിരഞ്ഞെടുപ്പ് നടക്കാനിരിക്കെ മധ്യപ്രദേശിലെ രണ്ട് നിയമസഭാ മണ്ഡലങ്ങളിലേക്കു നടന്ന ഉപതിരഞ്ഞെടുപ്പുകളില്‍ കോണ്‍ഗ്രസ് സീറ്റുകള്‍ നിലനിര്‍ത്തി.
തിരഞ്ഞെടുപ്പ് നടന്ന കൊലാറസിലും മംഗൗളിയിലും കോണ്‍ഗ്രസ് സ്ഥാനാര്‍ഥികള്‍ വോട്ടെണ്ണലിന്റെ തുടക്കംമുതല്‍ മുന്നിലായിരുന്നു. മംഗൗളിയില്‍ കോണ്‍ഗ്രസ്സിന്റെ ബ്രിജേന്ദ്ര സിങ് യാദവ് 2,124 വോട്ടുകള്‍ക്കാണ് ബിജെപിയുടെ ബായ് സാഹബ് സാദവിനെ പരാജയപ്പെടുത്തിയത്. കൊലാറസില്‍ കോണ്‍ഗ്രസ്സിന്റെ മഹേന്ദ്ര രാംസിങ് യാദവ് 8,083 വോട്ടുകള്‍ക്കാണ് ബിജെപിയെ പരാജയപ്പെടുത്തിയത്.
കോണ്‍ഗ്രസ്സിന്റെ സിറ്റിങ് സീറ്റുകളാണ് ഇത് രണ്ടും. എംപിയും കോണ്‍ഗ്രസ്സിന്റെ പ്രമുഖ നേതാവുമായ ജ്യോതിരാദിത്യ സിന്ധ്യയുടെ ലോക്‌സഭാ മണ്ഡലത്തില്‍ ഉള്‍പ്പെട്ടതാണ് തിരഞ്ഞെടുപ്പ് നടന്ന രണ്ടു മണ്ഡലങ്ങളും.
സിറ്റിങ് എംഎല്‍എമാരുടെ മരണത്തെ തുടര്‍ന്ന് ഫെബ്രുവരി 24നാണ് ഇവിടെ തിരഞ്ഞെടുപ്പ് നടന്നത്. മുഖ്യമന്ത്രി ശിവ്‌രാജ് സിങ് ചൗഹാനാണ് ബിജെപി പ്രചാരണത്തിനു നേതൃത്വം നല്‍കിയിരുന്നത്.

  ......................................................................................................................                                                                          
വായനക്കാരുടെ അഭിപ്രായങ്ങള്‍ താഴെ എഴുതാവുന്നതാണ്. മംഗ്ലീഷ് ഒഴിവാക്കി മലയാളത്തിലോ ഇംഗ്ലീഷിലോ എഴുതുക. ദയവായി അവഹേളനപരവും വ്യക്തിപരമായ അധിക്ഷേപങ്ങളും അശ്ലീല പദപ്രയോഗങ്ങളും ഒഴിവാക്കുക .വായനക്കാരുടെ അഭിപ്രായ പ്രകടനങ്ങള്‍ക്കോ അധിക്ഷേപങ്ങള്‍ക്കോ അശ്ലീല പദപ്രയോഗങ്ങള്‍ക്കോ തേജസ്സ് ഉത്തരവാദിയായിരിക്കില്ല.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക


Dont Miss