|    Oct 21 Sun, 2018 7:01 am
FLASH NEWS

മദ്യ വില്‍പനശാലയ്ക്ക് അനുമതി നല്‍കിയ നടപടി പുനപ്പരിശോധിക്കണം : കെ കെ അബ്ദുല്‍ ജബ്ബാര്‍

Published : 15th May 2017 | Posted By: fsq

 

കണ്ണൂര്‍: കണ്ണൂര്‍ നഗരത്തിലെ കുഴിക്കുന്നില്‍ ജനങ്ങള്‍ തിങ്ങിപ്പാര്‍ക്കുന്ന പ്രദേശത്ത് സ്‌കൂളില്‍ നിന്ന് ദൂരപരിധി പാലിക്കാതെ മദ്യ വില്‍പന ശാലക്ക് അനുമതി നല്‍കിയ നടപടി പുനപ്പരിശോധിക്കണമെന്നു എസ്ഡിപിഐ ജില്ലാ പ്രസിഡന്റ് കെ കെ അബ്ദുല്‍ ജബ്ബാര്‍ ആവശ്യപ്പെട്ടു.  ബിവറേജസ് ഔട്ട്‌ലെറ്റ് അടച്ചുപൂട്ടണമെന്നാവശ്യപ്പെട്ട് വിവിധ രാഷ്ട്രീയ കക്ഷികളുടെ നേതൃത്വത്തില്‍ സംയുക്ത ജനകീയ സമര സമിതി നടത്തുന്ന പ്രതിഷേധ സംഗമത്തില്‍ സംസാരിക്കുകയായിരുന്നു അദ്ദേഹം. ഗവ. ടൗണ്‍ ഹയര്‍ സെക്കന്‍ഡറി (എംടിഎം) സ്‌കൂളിന് തൊട്ടടുത്ത ജനങ്ങള്‍ തിങ്ങിപ്പാര്‍ക്കുന്ന പ്രദേശത്താണ് മദ്യ വില്‍പ്പന നടക്കുന്നത്. നഗരത്തില്‍ തന്നെ നേതാജി റോഡില്‍ ആരംഭിച്ച മറ്റൊരു മദ്യവില്‍പ്പന ശാലയ്‌ക്കെതിരെ സംയുക്ത സമര സമിതിയുടെ ശക്തമായ പ്രതിഷേധം തുടരുന്നതിനിടെയാണ് ഇത് വകവെക്കാതെ കുഴിക്കുന്നിലും ഔട്ട്‌ലെറ്റ് ആരംഭിച്ചിട്ടുള്ളത്. സംഗമത്തില്‍ നിരവധി പ്രദേശവാസികളും സ്ത്രീകളും പങ്കെടുത്തു. കൗണ്‍സിലര്‍ കെ രാധ, എസ്ഡിപിഐ ജില്ലാ ട്രഷറര്‍ എ ഫൈസല്‍, പോപുലര്‍ ഫ്രണ്ട് കണ്ണൂര്‍ ഡിവിഷന്‍ കമ്മിറ്റി അംഗം സി ഫൈസല്‍, സുഹൈബ്്, ജയസൂര്യ, രഞ്ജിത, അക്കീദ് സംസാരിച്ചു.

                                                                           
വായനക്കാരുടെ അഭിപ്രായങ്ങള്‍ താഴെ എഴുതാവുന്നതാണ്. മംഗ്ലീഷ് ഒഴിവാക്കി മലയാളത്തിലോ ഇംഗ്ലീഷിലോ എഴുതുക. ദയവായി അവഹേളനപരവും വ്യക്തിപരമായ അധിക്ഷേപങ്ങളും അശ്ലീല പദപ്രയോഗങ്ങളും ഒഴിവാക്കുക .വായനക്കാരുടെ അഭിപ്രായ പ്രകടനങ്ങള്‍ക്കോ അധിക്ഷേപങ്ങള്‍ക്കോ അശ്ലീല പദപ്രയോഗങ്ങള്‍ക്കോ തേജസ്സ് ഉത്തരവാദിയായിരിക്കില്ല.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക


Top stories of the day
Dont Miss