|    Aug 21 Mon, 2017 8:08 am
FLASH NEWS
Home   >  Todays Paper  >  Page 5  >  

മദ്യശാലകള്‍ക്ക് അനുമതി : ഹൈക്കോടതി വിധി നിര്‍ഭാഗ്യകരമെന്ന് വി എം സുധീരന്‍

Published : 1st June 2017 | Posted By: fsq

 

തൃശൂര്‍: ജനജീവിതത്തെ ദോഷകരമായി ബാധിക്കുന്ന ദേശീയപാതയോരത്തെ മദ്യശാലകള്‍ അടയ്ക്കാനുള്ള സുപ്രിംകോടതി വിധിയുടെ അന്തസ്സത്തയെ ചോദ്യംചെയ്യുന്ന ഹൈക്കോടതി വിധി നിര്‍ഭാഗ്യകരമായെന്ന് മുന്‍ കെപിസിസി പ്രസിഡന്റ് വി എം സുധീരന്‍ പറഞ്ഞു. ഹൈക്കോടതി വിധി ദുരൂഹമാണെന്നു പറയേണ്ടി വന്നതില്‍ ദുഃഖമുണ്ടെന്നും തൃശൂര്‍ രാമനിലയത്തില്‍ മാധ്യമപ്രവര്‍ത്തകരുമായി സംസാരിക്കവേ അദ്ദേഹം പറഞ്ഞു. ഹൈക്കോടതി വിധിക്കെതിരേ അഭിഭാഷകരുമായി സംസാരിച്ച് നിയമനടപടിക്കൊരുങ്ങും. മദ്യശാലകള്‍ തുറക്കാന്‍ തദ്ദേശസ്വയംഭരണസ്ഥാപനങ്ങളുടെ അനുമതി വേണമെന്ന നിയമത്തിനെതിരേ ഓര്‍ഡിനന്‍സ് കൊണ്ടുവരാനുള്ള സംസ്ഥാനസര്‍ക്കാര്‍ തീരുമാനത്തിലൂടെ മദ്യലോബികള്‍ക്കൊപ്പമാണു തങ്ങളെന്ന് അവര്‍ വ്യക്തമാക്കിയിരിക്കുകയാണ്. സംസ്ഥാനസര്‍ക്കാരിന്റെ ഓര്‍ഡിനന്‍സില്‍ ഒപ്പുവയ്ക്കാന്‍ ഗവര്‍ണര്‍ തയ്യാറാവരുതെന്നും സുധീരന്‍ ആവശ്യപ്പെട്ടു.

                                                                               
വായനക്കാരുടെ അഭിപ്രായങ്ങള്‍ താഴെ എഴുതാവുന്നതാണ്. മംഗ്ലീഷ് ഒഴിവാക്കി മലയാളത്തിലോ ഇംഗ്ലീഷിലോ എഴുതുക. ദയവായി അവഹേളനപരവും വ്യക്തിപരമായ അധിക്ഷേപങ്ങളും അശ്ലീല പദപ്രയോഗങ്ങളും ഒഴിവാക്കുക .വായനക്കാരുടെ അഭിപ്രായ പ്രകടനങ്ങള്‍ക്കോ അധിക്ഷേപങ്ങള്‍ക്കോ അശ്ലീല പദപ്രയോഗങ്ങള്‍ക്കോ തേജസ്സ് ഉത്തരവാദിയായിരിക്കില്ല.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക