|    Apr 26 Thu, 2018 1:47 am
FLASH NEWS

മദ്യലഹരിയില്‍ യുവാവ് ഭാര്യയെയും മകനെയും പെട്രോള്‍ ഒഴിച്ച് തീക്കൊളുത്തി

Published : 10th April 2018 | Posted By: kasim kzm

പത്തനംതിട്ട: മദ്യലഹരിയില്‍ യുവാവ് ഭാര്യയെയും അഞ്ചു വയസുള്ള മകനെയും പെട്രോള്‍ ഒഴിച്ച് തീകൊളുത്തി. ഭാര്യയുടെ നില ഗുരുതരം. മകനും സാരമായി പൊള്ളലേറ്റു. ഭര്‍ത്താവ് പൊലിസ് കസ്റ്റഡിയില്‍.
കോന്നി വകയാറിന് സമീപം കൊല്ലന്‍പടിയില്‍ ഗോകുലം വീട്ടില്‍ വാടകയ്ക്ക് താമസിക്കുന്ന കൊക്കാത്തോട് സ്വദേശി രതീഷാ(32)ണ് ഭാര്യ രമ്യയെയും(28), മകന്‍ അഭിജിത്തിനെയും ഇന്നലെ രാത്രി ഏഴുമണിയോടെ കൊലപ്പെടുത്താന്‍ ശ്രമിച്ചത്. ഓടിക്കൂടിയ നാട്ടുകാര്‍ തുണി കൊണ്ടു മൂടിയാണ് തീയണച്ചത്. തുടര്‍ന്ന് പത്തനംതിട്ട ജനറല്‍ ആശുപത്രിയില്‍ എത്തിച്ചു. പൊള്ളല്‍ 90 ശതമാനത്തില്‍ അധികമായതിനാല്‍ രമ്യയെയും അഭിജിത്തിനെയും പ്രാഥമിക ശുശ്രൂഷ നല്‍കി കോട്ടയം മെഡിക്കല്‍ കോളജിലേക്ക് മാറ്റി. മദ്യപിച്ചെത്തിയ രതീഷ് ഭാര്യയുമായി വഴക്കുണ്ടാവുകയും പെട്രോള്‍ ഒഴിച്ച് തീകൊളുത്തുകയുമായിരുന്നു. പെട്രോള്‍ തെറിച്ചു വീണാണ് അഭിജിത്തിന് പൊള്ളലേറ്റത്. രതീഷിനെ നാട്ടുകാര്‍ പിടികൂടി പോലിസിന് കൈമാറി. മദ്യലഹരിയില്‍ വഴക്കും വെട്ടും കുത്തുമുണ്ടാക്കുന്നത് ഇയാളുടെ പതിവാണെന്ന് പോലീസ് പറഞ്ഞു.
കഴിഞ്ഞ ദിവസം സ്വന്തം അമ്മാവനെ വെട്ടിപ്പരുക്കേല്‍പ്പിച്ചിരുന്നു. കുടുംബാംഗങ്ങള്‍ ഇടപെട്ടാണ് അന്ന് കേസും വഴക്കും ഒഴിവാക്കിയത്. അതില്‍ നടപടി ഇല്ലാതെ വന്നതാണ് ഇപ്പോള്‍ ഭാര്യയെ കൊലപ്പെടുത്താന്‍ ശ്രമിച്ചതിന് കാരണം.

  ......................................................................................................................                                                                          
വായനക്കാരുടെ അഭിപ്രായങ്ങള്‍ താഴെ എഴുതാവുന്നതാണ്. മംഗ്ലീഷ് ഒഴിവാക്കി മലയാളത്തിലോ ഇംഗ്ലീഷിലോ എഴുതുക. ദയവായി അവഹേളനപരവും വ്യക്തിപരമായ അധിക്ഷേപങ്ങളും അശ്ലീല പദപ്രയോഗങ്ങളും ഒഴിവാക്കുക .വായനക്കാരുടെ അഭിപ്രായ പ്രകടനങ്ങള്‍ക്കോ അധിക്ഷേപങ്ങള്‍ക്കോ അശ്ലീല പദപ്രയോഗങ്ങള്‍ക്കോ തേജസ്സ് ഉത്തരവാദിയായിരിക്കില്ല.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക


Dont Miss