|    Oct 20 Sat, 2018 10:50 pm
FLASH NEWS

മദ്യലഹരിയില്‍ നാവികസേനാ ഉദ്യോഗസ്ഥന്‍ ഓടിച്ച കാര്‍ വാഹനങ്ങളില്‍ ഇടിച്ച് നാലുപേര്‍ക്ക് പരിക്ക്‌

Published : 28th May 2017 | Posted By: fsq

 

കോട്ടയം: മദ്യലഹരിയില്‍  നാവിക സേനാ ഉദ്യോഗസ്ഥന്‍ ഓടിച്ച കാര്‍ രണ്ടു വാഹനങ്ങളെ ഇടിച്ചിട്ടു. ഓട്ടോറിക്ഷയും, സ്‌കൂട്ടറും ഇടിച്ചിട്ടശേഷം നാവിക സേനാ ഉദ്യോഗസ്ഥന്‍ വാഹനം ഉപേക്ഷിച്ച് ഓടിരക്ഷപെട്ടു. അപകടത്തില്‍ ഒമ്പതു വയസുകാരി അടക്കം നാലു പേര്‍ക്കു സാരമായി പരുക്കേറ്റു. ഏറ്റുമാനൂര്‍ വല്യാറ്റില്‍ കുഴി പുത്തന്‍വീട്ടില്‍ രാജേഷ് ഭവനില്‍ രാജേഷ് (38), ഭാര്യ ആശാദേവി(30)  മകള്‍ സൗമ്യ (09), ഓട്ടോഡ്രൈവര്‍ ഏറ്റുമാനൂര്‍ കിഴക്കേവള്ളിക്കാട്ടില്‍ ഷാജി തോമസ് എന്നിവര്‍ പരുക്കുകളോടെ മെഡിക്കല്‍ കോളജ് ആശുപത്രിയില്‍ ചികില്‍സയിലാണ്. കാര്‍ ഓടിച്ചിരുന്ന നാവിക സേനാ ഉദ്യോഗസ്ഥനും ചവിട്ടുവരി സ്വദേശിയുമായ ജോജോ തോമസിനെതിരേ പോലിസ് കേസെടുത്തു.കഴിഞ്ഞ ദിവസം ഒമ്പതിന് എംജി സര്‍വകലാശാലയ്ക്കു സമീപമായിരുന്നു അപകടം. ഏറ്റുമാനൂരില്‍ നിന്നു മെഡിക്കല്‍ കോളജ് ഭാഗത്തേ്ക്കു അമിത വേഗത്തില്‍ വരികയായിരുന്നു ജോജോ സഞ്ചരിച്ച കാറെന്നു പോലിസ് പറഞ്ഞു.

                                                                           
വായനക്കാരുടെ അഭിപ്രായങ്ങള്‍ താഴെ എഴുതാവുന്നതാണ്. മംഗ്ലീഷ് ഒഴിവാക്കി മലയാളത്തിലോ ഇംഗ്ലീഷിലോ എഴുതുക. ദയവായി അവഹേളനപരവും വ്യക്തിപരമായ അധിക്ഷേപങ്ങളും അശ്ലീല പദപ്രയോഗങ്ങളും ഒഴിവാക്കുക .വായനക്കാരുടെ അഭിപ്രായ പ്രകടനങ്ങള്‍ക്കോ അധിക്ഷേപങ്ങള്‍ക്കോ അശ്ലീല പദപ്രയോഗങ്ങള്‍ക്കോ തേജസ്സ് ഉത്തരവാദിയായിരിക്കില്ല.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക


Top stories of the day
Dont Miss