|    Jan 19 Thu, 2017 10:35 pm
FLASH NEWS

മദ്യപിച്ച ഡ്രൈവര്‍ ബോധരഹിതനായി; ദേശീയപാതയില്‍ ഗതാഗത തടസ്സം

Published : 22nd November 2015 | Posted By: SMR

ചവറ: മദ്യപിച്ച വാഹനമോടിച്ച ഡ്രൈവര്‍ ബോധരഹിതനായതിനെ തുടര്‍ന്ന് ദേശീയപാതയില്‍ ഗതാഗതം തടസ്സപ്പെട്ടു. നീണ്ടകര പാലത്തില്‍ ഇന്നലെ ഉച്ചയ്ക്ക് 12.30 ഓട് കൂടിയാണ് സംഭവം.
കെ.എല്‍.02എജി 9016 എന്ന നമ്പരിലുള്ള കാറില്‍ സഞ്ചരിച്ച രണ്ടംഗസംഘം നീണ്ടകര പാലത്തിന് മധ്യഭാഗത്തായി എത്തിയപ്പോള്‍ കാര്‍ മുന്നോട്ട് കൊണ്ടുപോകാന്‍ കഴിയാത്ത വിധം ഡ്രൈവര്‍ മദ്യപിച്ച് ബോധരഹിതനായി.
തുടര്‍ന്ന് ഗതാഗത തടസം രൂക്ഷമാകുകയും 15 മിനിറ്റിലധികം ചവറ നീണ്ടകര ദേശീയപാതയില്‍ ഗതാഗത തടസം അനുഭവപ്പെട്ടു. രോഗിയുമായി വന്ന ആബുലന്‍സ് ഉള്‍പ്പെടെ ഗതാഗത കുരുക്കില്‍പ്പെട്ടു. ക്ഷുഭിതരായ യാത്രക്കാര്‍ വണ്ടിമാറ്റാന്‍ ആവശ്യപ്പെട്ടെങ്കിലും അവര്‍ തയ്യാറായില്ല.
തുടര്‍ന്ന് വിവരമറിഞ്ഞ് കണ്‍ട്രോള്‍ റൂം പോലിസ് സ്ഥലത്തെത്തിയെങ്കിലും കാറില്‍ നിന്നിറങ്ങാന്‍ ഡ്രൈവര്‍ തയ്യാറായില്ല. പോലിസ് തന്നെ പുറകിലെ വാതിലില്‍ കൂടി മുന്‍വശത്തെ വാതില്‍ തുറന്ന് ഡ്രൈവറെ അറസ്റ്റ് ചെയ്തു.
പോലിസ് ഉദ്യോഗസ്ഥര്‍ കാറെടുത്ത് മാറ്റിയാണ് ഗതാഗതം പുനസ്ഥാപിച്ചത്.

Share on FacebookShare on Google+Tweet about this on TwitterShare on LinkedIn
(Visited 50 times, 1 visits today)
                     
വായനക്കാരുടെ അഭിപ്രായങ്ങള്‍ താഴെ എഴുതാവുന്നതാണ്. മംഗ്ലീഷ് ഒഴിവാക്കി മലയാളത്തിലോ ഇംഗ്ലീഷിലോ എഴുതുക. ദയവായി അവഹേളനപരവും വ്യക്തിപരമായ അധിക്ഷേപങ്ങളും അശ്ലീല പദപ്രയോഗങ്ങളും ഒഴിവാക്കുക .വായനക്കാരുടെ അഭിപ്രായ പ്രകടനങ്ങള്‍ക്കോ അധിക്ഷേപങ്ങള്‍ക്കോ അശ്ലീല പദപ്രയോഗങ്ങള്‍ക്കോ തേജസ്സ് ഉത്തരവാദിയായിരിക്കില്ല.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക