|    Aug 19 Sun, 2018 8:12 am
FLASH NEWS

മദ്യപന്റെ ആക്രമണത്തില്‍ എഴുകോണ്‍ സബ് രജിസ്ട്രാര്‍ ഓഫിസര്‍ക്ക് പരിക്ക്

Published : 18th June 2018 | Posted By: kasim kzm

എഴുകോണ്‍: മദ്യപിച്ചെത്തിയ യുവാവിന്റെ അക്രമത്തില്‍ എഴുകോണ്‍ സബ് രജിസ്ട്രാര്‍ ഓഫിസര്‍ക്ക് പരിക്ക്. പുളിയര്‍ സജി ഭവനില്‍ സാജനാണ്(41)എഴുകോണ്‍ വില്ലേജ് ഓഫിസ്, സബ് രജിസ്ട്രാര്‍ ഓഫിസ് എന്നിവിടങ്ങളില്‍ ആക്രമണം നടത്തിയത്.ഇന്നലെ വൈകീട്ട് നാലോടെ വില്ലേജ് ഓഫിസില്‍ എത്തിയ സാജന്‍ ഉദ്യോഗസ്ഥരെ അസഭ്യം പറയുകയും ആക്രമിക്കാന്‍ ശ്രമിക്കുകയും ചെയ്തു. വില്ലേജ് ഓഫിസര്‍ പോലിസിനെ വിളിക്കാന്‍ ശ്രമിച്ചപ്പോള്‍ ഇയാള്‍ തൊട്ടടുത്തുള്ള സബ് രജിസ്ട്രാര്‍ ഓഫിസില്‍ എത്തി ഓഫിസറെയും പ്യൂണിനേയും ഇഷ്ടിക ഉപയോഗിച്ച് മര്‍ദിക്കുകയായിരുന്നു. തലയ്ക്ക് പരിക്കേറ്റ സബ് രജിസ്ട്രാര്‍ ഓഫിസര്‍ കാക്കക്കോട്ടൂര്‍ സാരംഗില്‍ ദിലീപിനെ കൊട്ടാരക്കര താലൂക്ക് ആശുപത്രിയില്‍ പ്രവേശിപ്പിച്ചു. സാജനെ എഴുകോണ്‍ പോലിസ് അറസ്റ്റ് ചെയ്തു. മാസങ്ങള്‍ക്ക് മുന്‍പും സാജന്‍ വില്ലേജ് ഓഫിസില്‍ അക്രമം നടത്തിയിരുന്നു.

                                                                           
വായനക്കാരുടെ അഭിപ്രായങ്ങള്‍ താഴെ എഴുതാവുന്നതാണ്. മംഗ്ലീഷ് ഒഴിവാക്കി മലയാളത്തിലോ ഇംഗ്ലീഷിലോ എഴുതുക. ദയവായി അവഹേളനപരവും വ്യക്തിപരമായ അധിക്ഷേപങ്ങളും അശ്ലീല പദപ്രയോഗങ്ങളും ഒഴിവാക്കുക .വായനക്കാരുടെ അഭിപ്രായ പ്രകടനങ്ങള്‍ക്കോ അധിക്ഷേപങ്ങള്‍ക്കോ അശ്ലീല പദപ്രയോഗങ്ങള്‍ക്കോ തേജസ്സ് ഉത്തരവാദിയായിരിക്കില്ല.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക


Top stories of the day
Dont Miss