|    Nov 16 Fri, 2018 10:44 am
FLASH NEWS
Home   >  Todays Paper  >  Page 5  >  

മദ്യനയം : സര്‍ക്കാരിന്റേത് ജനങ്ങളോടുള്ള യുദ്ധപ്രഖ്യാപനം

Published : 4th June 2017 | Posted By: fsq

 

കോഴിക്കോട്: മദ്യഷാപ്പുകള്‍ക്ക് അനുമതി നല്‍കുന്നതില്‍ തദ്ദേശ സ്വയംഭരണ സ്ഥാപനങ്ങള്‍ക്കുള്ള അധികാരം എടുത്തുകളയുന്ന പുതിയ ഓര്‍ഡിനന്‍സ് ഇടതുപക്ഷ സര്‍ക്കാര്‍ കേരളത്തിലെ ജനങ്ങളോട് നടത്തുന്ന യുദ്ധപ്രഖ്യാപനമാണെന്ന് ജമാഅത്തെ ഇസ്്‌ലാമി കേരള അമീര്‍ എം ഐ അബ്ദുല്‍ അസീസ് പറഞ്ഞു.  നീണ്ടകാലത്തെ ജനകീയ പ്രക്ഷോഭങ്ങളുടെ ഫലമായി തദ്ദേശ സ്ഥാപനങ്ങള്‍ക്കുള്ള ഈ അധികാരം പുനസ്ഥാപിച്ച കഴിഞ്ഞ സര്‍ക്കാരിന്റെ നടപടിയെ കേരളത്തിലെ എല്ലാ വിഭാഗം ജനങ്ങളും സ്വാഗതം ചെയ്തതാണ്. ജനാധിപത്യ സര്‍ക്കാരാണെങ്കില്‍ ഓര്‍ഡിനന്‍സ് പിന്‍വലിച്ച് ജനങ്ങളോടൊപ്പം നില്‍ക്കാന്‍ സന്നദ്ധമാവണം.  ഓര്‍ഡിനന്‍സ് പുറത്തിറക്കിയത് കടുത്ത ജനദ്രോഹമാണ്. ജനങ്ങളോടല്ല, മദ്യരാജാക്കന്‍മാരോടും അബ്കാരി മുതലാളിമാരോടുമാണ് സര്‍ക്കാരിന് താല്‍പര്യമെന്ന് പുതിയ മദ്യനയത്തിലൂടെ വ്യക്തമായിരിക്കുകയാണെന്നും അബ്ദുല്‍ അസീസ് ചൂണ്ടിക്കാട്ടി. മദ്യനയത്തിനെതിരേ കേരളത്തിലെ എല്ലാ വിഭാഗം ജനങ്ങളും രംഗത്തുവരണമെന്നും അദ്ദേഹം പറഞ്ഞു.

                                                                           
വായനക്കാരുടെ അഭിപ്രായങ്ങള്‍ താഴെ എഴുതാവുന്നതാണ്. മംഗ്ലീഷ് ഒഴിവാക്കി മലയാളത്തിലോ ഇംഗ്ലീഷിലോ എഴുതുക. ദയവായി അവഹേളനപരവും വ്യക്തിപരമായ അധിക്ഷേപങ്ങളും അശ്ലീല പദപ്രയോഗങ്ങളും ഒഴിവാക്കുക .വായനക്കാരുടെ അഭിപ്രായ പ്രകടനങ്ങള്‍ക്കോ അധിക്ഷേപങ്ങള്‍ക്കോ അശ്ലീല പദപ്രയോഗങ്ങള്‍ക്കോ തേജസ്സ് ഉത്തരവാദിയായിരിക്കില്ല.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക


Top stories of the day
Dont Miss