|    Sep 20 Thu, 2018 1:51 am
FLASH NEWS
Home   >  Just In   >  

മതനിന്ദ ആരോപിച്ച് വിദ്യാര്‍ഥിയെ തല്ലിക്കൊന്ന ജനക്കൂട്ടത്തെ ശിക്ഷിച്ച് പാക് കോടതി: ഒരാള്‍ക്ക വധശിക്ഷ

Published : 9th February 2018 | Posted By: Jesla

ഇസ്‌ലാമാബാദ്: മതനിന്ദ ആരോപിച്ച് വിദ്യാര്‍ഥിയെ തല്ലിക്കൊന്ന ജനക്കൂട്ടത്തെ ശിക്ഷിച്ച് പാക് കോടതി. 31 പേരെയാണ് കോടതി ശിക്ഷിച്ചത്.  പ്രതികളില്‍ ഒരാള്‍ക്ക് കോടതി വധശിക്ഷ വിധിച്ചു.

2016 ഏപ്രിലില്‍ യൂനിവേഴ്‌സിറ്റി ക്യാമ്പസില്‍ കൊല്ലപ്പെട്ട മാധ്യമ വിദ്യാര്‍ഥി മുഹമ്മദ് മഷാല്‍ ഖാന്റെ മരണവുമായി ബന്ധപ്പെട്ടതാണ് കോടതി വിധി. സമൂഹമാധ്യമങ്ങള്‍ വഴി മതനിന്ദാപരമായ കാര്യങ്ങള്‍ ഷെയര്‍ ചെയ്തുവെന്നാരോപിച്ചായിരുന്നു ജനക്കൂട്ടത്തിന്റെ അതിക്രമം. എന്നാല്‍ ഈ ആരോപണം തെറ്റാണെന്ന് പിന്നീട് തെളിഞ്ഞിരുന്നു.

31 പേരില്‍ അഞ്ചുപേരെ കോടതി ജീവപര്യന്തം തടവിനു ശിക്ഷിച്ചു. ഒരാള്‍ക്ക് വധശിക്ഷയും ബാക്കിയുള്ള 25 പേര്‍ക്ക് നാലുവര്‍ഷത്തെ തടവുശിക്ഷയുമാണ് കോടതി വിധിച്ചത്. തെളിവുകളുടെ അഭാവത്തില്‍ 25 പേരെ കോടതി വെറുതെ വിട്ടു.

26 പേരെ കുറ്റവിമുക്തരാക്കിയ നടപടിയ്‌ക്കെതിരേ അപ്പീല്‍ നല്‍കുമെന്ന് സര്‍ക്കാര്‍ വക്താവ് ഷൗക്കത് അലി യൂസഫ് സായി പറഞ്ഞു.

                                                                           
വായനക്കാരുടെ അഭിപ്രായങ്ങള്‍ താഴെ എഴുതാവുന്നതാണ്. മംഗ്ലീഷ് ഒഴിവാക്കി മലയാളത്തിലോ ഇംഗ്ലീഷിലോ എഴുതുക. ദയവായി അവഹേളനപരവും വ്യക്തിപരമായ അധിക്ഷേപങ്ങളും അശ്ലീല പദപ്രയോഗങ്ങളും ഒഴിവാക്കുക .വായനക്കാരുടെ അഭിപ്രായ പ്രകടനങ്ങള്‍ക്കോ അധിക്ഷേപങ്ങള്‍ക്കോ അശ്ലീല പദപ്രയോഗങ്ങള്‍ക്കോ തേജസ്സ് ഉത്തരവാദിയായിരിക്കില്ല.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക


Top stories of the day
Dont Miss