|    May 23 Tue, 2017 6:23 pm
FLASH NEWS

മണ്ണാര്‍ക്കാട് വനമേഖലയില്‍ മാവോവാദികള്‍ക്കായി തിരച്ചില്‍ ശക്തമാക്കി

Published : 30th November 2015 | Posted By: TK

maoist
പാലക്കാട്: അമ്പലപ്പാറയില്‍ വനമേഖലയില്‍ മാവോവാദികള്‍ പോലിസിന് നേരെ വെടിയുതിര്‍ത്ത സാഹചര്യത്തില്‍  തണ്ടര്‍ബോള്‍ട്ട് തിരച്ചില്‍ ശക്തമാക്കി. 30 അംഗങ്ങളുളള തണ്ടര്‍ബോള്‍ട്ട് കാട്ടിനുള്ളില്‍ തിരച്ചില്‍ നടത്തുന്നത്.

കോട്ടോപ്പാടം ഗ്രാമപഞ്ചായത്ത് പരിധിയിലെ അമ്പലപ്പാറ ആദിവാസി കോളനിക്കുസമീപം മാവോവാദികളെന്ന് സംശയിക്കുന്ന സായുധസംഘം ശനിയാഴ്ച വൈകീട്ട് എത്തിയിരുന്നുവെന്ന് പോലിസ് പറയുന്നു. രണ്ട് സ്ത്രീകളും രണ്ട് പുരുഷന്‍മാരുമടങ്ങുന്ന കാക്കി വസ്ത്രധാരികളാണ് സംഘത്തിലുണ്ടായിരുന്നത്. അമ്പലപ്പാറ പള്ളിശ്ശേരിയില്‍ ആദിവാസി കോളനിയിലെ മാതി, കുറുമ്പന്‍ എന്നിവരുടെ കുടിലുകളിലാണ് മാവോവാദികള്‍ എത്തിയത്. രാത്രി 8 മണി വരെ ഇവിടെ ചെലവഴിച്ച ഇവര്‍ ഭക്ഷണം ആവശ്യപ്പെടുകയും കുടിലിലുണ്ടായിരുന്ന ഭക്ഷ്യവസ്തുക്കള്‍ കൊണ്ടുപോവുകയും ചെയ്തതായി പോലിസ് പറഞ്ഞു.
ഉച്ചയോടെ പോലിസ്- വനം വകുപ്പ് ഉദ്യോഗസ്ഥര്‍ അമ്പലപ്പാറയിലെത്തി അന്വേഷണം നടത്തി മടങ്ങി. വൈകീട്ട് ആറോടെ തണ്ടര്‍ബോള്‍ട്ട് പ്രദേശത്തെ വനമേഖലയില്‍ തിരച്ചില്‍ നടത്തുന്നതിനിടെയാണ് മാവോവാദികളുമായി ഏറ്റുമുട്ടലുണ്ടായത്. തെങ്കര തത്തേങ്ങലത്തും കുമരംപുത്തൂര്‍ പൊതുവപ്പാടത്തും മാവോവാദി സാന്നിധ്യം ഉള്ളതായി പോലിസ് പറയുന്നു.

                                                                               
വായനക്കാരുടെ അഭിപ്രായങ്ങള്‍ താഴെ എഴുതാവുന്നതാണ്. മംഗ്ലീഷ് ഒഴിവാക്കി മലയാളത്തിലോ ഇംഗ്ലീഷിലോ എഴുതുക. ദയവായി അവഹേളനപരവും വ്യക്തിപരമായ അധിക്ഷേപങ്ങളും അശ്ലീല പദപ്രയോഗങ്ങളും ഒഴിവാക്കുക .വായനക്കാരുടെ അഭിപ്രായ പ്രകടനങ്ങള്‍ക്കോ അധിക്ഷേപങ്ങള്‍ക്കോ അശ്ലീല പദപ്രയോഗങ്ങള്‍ക്കോ തേജസ്സ് ഉത്തരവാദിയായിരിക്കില്ല.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക


Top stories of the day