|    Sep 20 Wed, 2017 4:35 pm
FLASH NEWS
Home   >  Kerala   >  

മണിയുടെ ശരീരത്തില്‍ കീടനാശിനിയുടെ അംശം കണ്ടെത്തി

Published : 18th March 2016 | Posted By: G.A.G

Mani-new

തൃശൂര്‍ : കലാഭവന്‍ മണിയുടെ ശരീരത്തില്‍ കീടനാശിനിയുടെ അംശം കണ്ടെത്തിയതായി രാസപരിശോധനാഫലം പുറത്തുവന്നു. ക്ലോര്‍ പിരിഫോസ് എന്ന കീടനാശിനി രക്തത്തില്‍ കലര്‍ന്നിരുന്നതായാണ് റിപോര്‍ട്ടില്‍ പറയുന്നത്്. ഇതിനു പുറമെ ഡോക്ടര്‍മാരുടെ സംശയം സ്ഥിരീകരിക്കുംവിധം മെഥനോളും ശരീരത്തില്‍ കലര്‍ന്നിരുന്നു എന്നാണ് റിപോര്‍ട്ടിലുള്ളത്്. മരണത്തോടനുബന്ധിച്ച് കസ്റ്റഡിയിലുള്ള മണിയുടെ സഹായികളും സുഹൃത്തുക്കളുമായ മൂന്നു പേരെ പോലീസ് ചോദ്യം ചെയ്തുവരികയാണ്. മണിയുടെ ഔട്ട് ഹൗസായ പാഡി വൃത്തിയാക്കിയ ഇവര്‍ തെളിവ് നശിപ്പിച്ചതായി മണിയുടെ സഹോദരന്‍ രാമകൃഷ്ണന്‍ ആരോപിച്ചിരുന്നു.
മണിയുടെ ശരീരത്തില്‍ വിഷാംശം കണ്ടെത്തിയിട്ടുണ്ടെങ്കില്‍ അത്  മദ്യത്തിലൂടെ ബോധപൂര്‍വം കലര്‍ത്തിയതാകാമെന്ന് കേസ് അന്വേഷിച്ച എക്‌സൈസ് സംഘത്തിന്റെ പ്രാധമിക നിഗമനത്തിലെത്തിയിരുന്നു. കൂടെ മദ്യപിച്ചവരുടെയാരുടെയും ശരീരത്തില്‍ കലരാതെ മണിയുടെ ശരീരത്തില്‍ മാത്രം വിഷാംശം എത്തിയതെങ്ങനെയെന്നതാണ് ദുരൂഹം. ആന്തരികാവയവങ്ങളുടെ പരിശോധനാഫലം പുറത്തുവന്നാലേ ഇക്കാര്യത്തില്‍ കൂടുതല്‍ വ്യക്തത വരൂ എന്ന നിഗമനത്തിലായിരുന്നു എക്‌സൈസും പോലീസും.
മണിയുടെ ഔട്ട്ഹൗസായ പാഡിയില്‍ ചാരായം ഉപയോഗിച്ചതിന് പോലീസിന് തെളിവ് ലഭിച്ചിട്ടുണ്ട്്്. മദ്യത്തിലൂടെയാണോ കീടനാശിനി ഉള്ളില്‍്‌ച്ചെന്നതെന്ന കാര്യത്തില്‍ വ്യക്തത വന്നിട്ടില്ല.
അതിനിടെ മരിക്കുന്നതിന് മുന്‍പ് മണിയുടെ ഔട്ട് ഹൗസിലെത്തിയ നടന്‍ സാബു മദ്യപിച്ചതായി മണിയുടെ ഡ്രൈവര്‍ പീറ്റര്‍ മാധ്യമങ്ങളോട് പറഞ്ഞു.

                                                                               
വായനക്കാരുടെ അഭിപ്രായങ്ങള്‍ താഴെ എഴുതാവുന്നതാണ്. മംഗ്ലീഷ് ഒഴിവാക്കി മലയാളത്തിലോ ഇംഗ്ലീഷിലോ എഴുതുക. ദയവായി അവഹേളനപരവും വ്യക്തിപരമായ അധിക്ഷേപങ്ങളും അശ്ലീല പദപ്രയോഗങ്ങളും ഒഴിവാക്കുക .വായനക്കാരുടെ അഭിപ്രായ പ്രകടനങ്ങള്‍ക്കോ അധിക്ഷേപങ്ങള്‍ക്കോ അശ്ലീല പദപ്രയോഗങ്ങള്‍ക്കോ തേജസ്സ് ഉത്തരവാദിയായിരിക്കില്ല.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക