|    Sep 19 Wed, 2018 6:07 pm
FLASH NEWS

മണിക്കൂറുകളുടെ വ്യത്യാസത്തില്‍ ബാല്യകാല സുഹൃത്തുക്കള്‍ മരണപ്പെട്ടു; വേദനയോടെ നാട്ടുകാര്‍

Published : 4th June 2018 | Posted By: kasim kzm

ആലത്തൂര്‍: ബാല്യകാല സുഹൃത്തുക്കള്‍ മണിക്കൂറുകളുടെ വ്യത്യാസത്തില്‍ മരണപ്പെട്ടത് നാട്ടുകാരെ കണ്ണീരിലാഴ്ത്തി. അത്തിപ്പൊറ്റയില്‍ മീരാന്‍ സാഹിബ്ബിന്റെ മകന്‍ സഫീര്‍ (34), പഴമ്പാലക്കോട് തെക്കുമുറിയില്‍ ചാമിയാരുടെ മകന്‍ പ്രദീപ് (34) എന്നിവരാണ് മണിക്കൂറുകളുടെ വ്യത്യാസത്തില്‍ മരിച്ചത്. രോഗാവസ്ഥയില്‍ തിരുവനന്ത പുരത്തെ ആശുപത്രിയിലാണ് ശനിയാഴ്ച രാത്രി 11 മണിയോടെ സഫീര്‍ മരണപ്പെട്ടത്. ഈ വിവരമറിഞ്ഞ പ്രദീപ് ഞായറാഴ്ച രാവിലെ വീട്ടില്‍ കുഴഞ്ഞു വീഴുകയായിരുന്നു.
പ്രദീപിനെ ഒറ്റപ്പാലത്തെ സ്വകാര്യ ആശുപത്രിയിലേക്ക് കൊണ്ടുപോകും വഴിയാണ് മരിച്ചത്. സഫീറിന്റെ ഉമ്മ സുബൈദയുടെ വീട് പഴമ്പാലക്കോട് പ്രദീപിന്റെ വീടിന്റെ അടുത്ത വീടാണ്. അങ്ങിനെയാണ് ഇവര്‍ ബാല്യകാലസുഹൃത്തുകളായത്. പിതാവിന്റെ സ്ഥാപനത്തില്‍ തന്നെയായിരുന്നു സഫീറിന് ജോലി. തരൂര്‍ നെല്ലുകുത്താംകുളം പള്ളേക്കാരന്‍ മൊക്കില്‍ വെല്‍ഡിംഗ് വര്‍ക്ക്ഷാപ്പ് നടത്തുകയാണ് പ്രദീപ്.

                                                                           
വായനക്കാരുടെ അഭിപ്രായങ്ങള്‍ താഴെ എഴുതാവുന്നതാണ്. മംഗ്ലീഷ് ഒഴിവാക്കി മലയാളത്തിലോ ഇംഗ്ലീഷിലോ എഴുതുക. ദയവായി അവഹേളനപരവും വ്യക്തിപരമായ അധിക്ഷേപങ്ങളും അശ്ലീല പദപ്രയോഗങ്ങളും ഒഴിവാക്കുക .വായനക്കാരുടെ അഭിപ്രായ പ്രകടനങ്ങള്‍ക്കോ അധിക്ഷേപങ്ങള്‍ക്കോ അശ്ലീല പദപ്രയോഗങ്ങള്‍ക്കോ തേജസ്സ് ഉത്തരവാദിയായിരിക്കില്ല.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക


Top stories of the day
Dont Miss