|    May 21 Mon, 2018 8:44 pm
FLASH NEWS

മണലി പുഴയുടെ വശങ്ങള്‍ നശിക്കുന്നു; മാലിന്യം തള്ളുന്നത് തടയാന്‍ നടപടിയെടുക്കണം

Published : 21st April 2018 | Posted By: kasim kzm

നെന്മണിക്കര: നെന്മണിക്കര പഞ്ചായത്തില്‍  മണലി പുഴ ശുചീകരണം എന്നു പറഞ്ഞു പുഴയുടെ സ്വാഭാവിക കണ്ടലും , ചെടികളും നശിപ്പിക്കുന്നു . പുഴയുടെ ഓരങ്ങള്‍ വൃത്തിയാക്കുന്നു എന്ന് പറഞ്ഞാണ് ഈ പ്രവര്‍ത്തനം നടക്കുന്നത് . ഇത് പുഴയുടെ ഓരങ്ങള്‍ ഇടിയാനും പുഴ കൂടുതല്‍ നശിക്കാനും ഇടവരും. കഴിഞ്ഞ വര്‍ഷം നെന്മണിക്കര പഞ്ചായത്ത് ഭരണ സമിതിയുടെ നേതൃത്വത്തില്‍ ഹരിത  കേരളം പദ്ധതിയുടെ ഭാഗമായി  ഇതേ പ്രവര്‍ത്തനം നടന്നിരുന്നു.
പുഴയുടെ സ്വഭാവിക കണ്ടലും , ഒരവും നശിപ്പിക്കുന്നതുമൂലം ആയിര കണക്കിന് വര്‍ഷത്തെ ആവാസ വ്യവസ്ഥയാണ് നശിപ്പിക്കപ്പെടുന്നത് .  യാതൊരു ശാസ്ത്രീയ പഠനവും നടത്താതെയാണ് ഈ ശുചീകരണ പ്രവര്‍ത്തനം തുടരുന്നത്  .മണലി പുഴയിലെ  മണ്ണ് നീക്കം ചെയ്യാന്‍ സ്വകാര്യ കരാറുകാരെ ഏല്പിക്കാന്‍ ഇറിഗേഷന്‍ വകുപ്പ്  അനുവദിക്കുന്നില്ല എന്ന് പഞ്ചായത്ത് അധികൃതര്‍ മുന്‍പ് പറഞ്ഞിരുന്നു .
നെന്മണിക്കര പഞ്ചായത്തില്‍ 90 % ഏറെ വയലുകള്‍ മണ്ണെടുത്ത് വലിയ കുഴികളാണ് . അതു കൊണ്ട് തന്നെ മിക്കവാറും പ്രദേശങ്ങളില്‍ കിണര്‍ വെള്ളത്തിന്റെ നിരപ്പ് വളരെ താഴെയാണ് . വ്യാപക വയല്‍ നശീകരണം മൂലം കിണറുകളിലെ വെള്ളം വറ്റുകയും,മലിനപ്പെടുകയും ചെയ്തതു് മൂലം  പഞ്ചായത്തിലെ കടിവെള്ളത്തിന്റെയും , കൃഷിയുടെയും  പ്രധാന സ്രോതസ്സ്  മണലിപുഴ  തന്നെയാണ് .ഇവിടുന്ന് സ്വകാര്യ  കരാറുകാര്‍ മണ്ണ് നീക്കം  ചെയ്താല്‍ പുഴയുടെ ആഴം കൂടി വീണ്ടും കിണറുകളില്‍ വെള്ളം ഇല്ലാതാകും
കേരള ശാസ്ത്ര സാഹിത്യ പരിഷത്ത് നടത്തിയ പഠന പ്രകാരം മണലിപ്പുഴ മലിനപ്പെടുന്നത് വ്യാപകമായി അറവ് , വര്‍ക്ക്‌ഷോപ്പ് , ആശുപത്രി  മാലിന്യങ്ങള്‍ തള്ളുന്നതും മൂലമാണ്. നീര്‍ത്തടങ്ങളില്‍ നിക്ഷേപിക്കുന്ന മാലിന്യങ്ങള്‍ മഴക്കാലത്ത് പുഴയില്‍ ചേരുന്നു. മാലിന്യങ്ങള്‍ തള്ളുന്നത് തടഞ്ഞാ ല്‍ പുഴയിലെ ചണ്ടിയും , മറ്റു ചെടികളുടെയും വളര്‍ച്ചക്കു കാരണമായ ഈ മാലിന്യ  വളം ഇല്ലാതാകും. ക്രമേണ  പുഴ  സ്വാഭാവികതയിലേക്കു  നീങ്ങുമെന്നും പഠനം വ്യക്തമാക്കുന്നു.

  ......................................................................................................................                                                                          
വായനക്കാരുടെ അഭിപ്രായങ്ങള്‍ താഴെ എഴുതാവുന്നതാണ്. മംഗ്ലീഷ് ഒഴിവാക്കി മലയാളത്തിലോ ഇംഗ്ലീഷിലോ എഴുതുക. ദയവായി അവഹേളനപരവും വ്യക്തിപരമായ അധിക്ഷേപങ്ങളും അശ്ലീല പദപ്രയോഗങ്ങളും ഒഴിവാക്കുക .വായനക്കാരുടെ അഭിപ്രായ പ്രകടനങ്ങള്‍ക്കോ അധിക്ഷേപങ്ങള്‍ക്കോ അശ്ലീല പദപ്രയോഗങ്ങള്‍ക്കോ തേജസ്സ് ഉത്തരവാദിയായിരിക്കില്ല.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക


Top stories of the day
Dont Miss