|    Dec 18 Mon, 2017 12:43 pm

മണക്കായി പാലം പ്രവൃത്തി മന്ദഗതിയില്‍

Published : 5th December 2017 | Posted By: kasim kzm

ഉരുവച്ചാല്‍: മട്ടന്നൂര്‍ നഗരസഭയെയും വേങ്ങാട് പഞ്ചായത്തിനെയും ബന്ധിപ്പിക്കുന്ന മണക്കായി പാലം നിര്‍മാണം ഇഴഞ്ഞുനീങ്ങുന്നു. മണക്കായി ഭാഗത്തെ തൂണിന്റെ പ്രവൃത്തിയും വേങ്ങാട് റോഡിനോടു ചേര്‍ന്ന സ്ലാബ് നിര്‍മാണവും മാത്രമാണു നടന്നത്.
നാട്ടുകാരുടെ നിരന്തര സമ്മര്‍ദം കണക്കിലെടുത്താണ് മണക്കായി കടവിന് കുറുകെ പാലം പണിയാന്‍ സര്‍ക്കാര്‍ തീരുമാനിച്ചത്. നാലുവര്‍ഷം മുമ്പ് കരാര്‍ നല്‍കിയിരുന്നെങ്കിലും പ്രവൃത്തി മന്ദഗതിയിലായി. പൊതുമരാമത്ത് വകുപ്പ് റീ ടെന്‍ഡര്‍ ചെയ്യുകയും പ്രവൃത്തി ഒന്നര വര്‍ഷം കൊണ്ട് പൂര്‍ത്തിയാക്കാന്‍ കരാര്‍ നല്‍ക്കുകയും ചെയ്തു. ഇതുപ്രകാരം രണ്ടുമാസം മുമ്പ് നിര്‍മാണം ആരംഭിച്ചെങ്കിലും അവസ്ഥയില്‍ മാറ്റമില്ല. ആദ്യത്തെ ടെന്‍ഡര്‍ പ്രകാരം 20 ലക്ഷം രൂപയാണു വകയിരുത്തിയത്. റീ ടെന്‍ഡര്‍ പ്രകാരം തുക 46 ലക്ഷമാക്കി. പാലം യഥാര്‍ഥ്യമായാല്‍ നൂറുക്കണക്കിന് യാത്രക്കാര്‍ക്ക് വിവിധ സ്ഥലങ്ങളില്‍ എത്തിച്ചേരാന്‍ എളുപ്പ വഴിയാണിത്.

വായനക്കാരുടെ അഭിപ്രായങ്ങള്‍ താഴെ എഴുതാവുന്നതാണ്. മംഗ്ലീഷ് ഒഴിവാക്കി മലയാളത്തിലോ ഇംഗ്ലീഷിലോ എഴുതുക. ദയവായി അവഹേളനപരവും വ്യക്തിപരമായ അധിക്ഷേപങ്ങളും അശ്ലീല പദപ്രയോഗങ്ങളും ഒഴിവാക്കുക .വായനക്കാരുടെ അഭിപ്രായ പ്രകടനങ്ങള്‍ക്കോ അധിക്ഷേപങ്ങള്‍ക്കോ അശ്ലീല പദപ്രയോഗങ്ങള്‍ക്കോ തേജസ്സ് ഉത്തരവാദിയായിരിക്കില്ല.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക


Dont Miss