|    Jul 23 Mon, 2018 3:01 pm
FLASH NEWS
Home   >  Todays Paper  >  Page 4  >  

മടവൂരില്‍ യുവാവിനെ വെട്ടിക്കൊന്നു

Published : 28th March 2018 | Posted By: kasim kzm

കിളിമാനൂര്‍: മടവൂരില്‍ ഇന്നലെ പുലര്‍ച്ചെ കാറിലെത്തിയ സംഘം യുവാവിനെ വെട്ടിക്കൊന്നു. ക്വട്ടേഷന്‍ സംഘമെന്ന് സംശയം. കൂടെ ഉണ്ടായിരുന്ന സുഹൃത്ത് പരിക്കുകളോടെ രക്ഷപ്പെട്ടു. മടവൂര്‍ പടിഞ്ഞാറ്റേല ഐക്കരഴികം ആശാനിവാസില്‍ രാധാകൃഷ്ണന്‍ ഉണ്ണിത്താന്റെ മകന്‍ രാജേഷ് (35) ആണ് കൊല്ലപ്പെട്ടത്. രാജേഷ് നാടന്‍ പാട്ടു കലാകാരനും സൗണ്ട് റിക്കാഡിസ്റ്റുമാണ്. മടവൂരില്‍ രാജേഷ് മെട്രാസ് മീഡിയ ആന്റ് കമ്മ്യൂണിക്കേഷന്‍ എന്ന സ്ഥാപനം നടത്തിവരുകയായിരുന്നു.
നേരത്തെ എഫ്എം റേഡിയോ ജോക്കി ആയി ജോലി നോക്കിയിട്ടുണ്ട്. കുറെക്കാലം വിദേശത്തായിരുന്ന രാജേഷ് ഒരു വര്‍ഷം മുമ്പാണ് നാട്ടില്‍ വന്നത്. കഴിഞ്ഞദിവസം രാജേഷിന് മുല്ലനെല്ലൂരില്‍ പരിപാടി ഉണ്ടായിരുന്നു. പരിപാടി കഴിഞ്ഞ് ഇന്നലെ പുലര്‍ച്ചെ രണ്ടോടെ മടവൂര്‍ പോസ്റ്റ് ഓഫിസ് ജങ്ഷനില്‍ തന്റെ സ്ഥാപനത്തില്‍ നില്‍ക്കുമ്പോള്‍ സ്ഥാപനത്തിനകത്തിട്ട് കാറിലെത്തിയ സംഘം വെട്ടി കൊലപ്പെടുത്തുകയായിരുന്നു. കൂടെ ഉണ്ടായിരുന്ന സുഹൃത്ത് കിളിമാനൂര്‍ വെള്ളല്ലൂര്‍ സ്വദേശി കുട്ടന് വേട്ടേറ്റെങ്കിലും ഇയാള്‍ ഓടി രക്ഷപ്പെട്ടു.
സംഭവത്തെ തുടര്‍ന്ന് മടവൂരും പരിസരപ്രദേശങ്ങളും ഭീതിയിലാണ്. തിരുവനന്തപുരം റൂറല്‍ എസ്പി അശോക്കുമാര്‍, ആറ്റിങ്ങല്‍ ഡിവൈഎസ്പി അനില്‍കുമാര്‍, കിളിമാനൂര്‍ സിഐ പ്രദീപ്കുമാര്‍ എന്നിവരുടെ നേതൃത്വത്തില്‍ പോലിസ് സംഘം മടവൂരില്‍ ക്യാംപ് ചെയ്യുന്നുണ്ട്.  ഭാര്യ രോഹിണി ഏഴു മാസം ഗര്‍ഭിണിയാണ്. മകന്‍ ആദിത്യന്‍ (അഞ്ച്). പള്ളിക്കല്‍ പോലിസ് കേസെടുത്തു.

  ......................................................................................................................                                                                          
വായനക്കാരുടെ അഭിപ്രായങ്ങള്‍ താഴെ എഴുതാവുന്നതാണ്. മംഗ്ലീഷ് ഒഴിവാക്കി മലയാളത്തിലോ ഇംഗ്ലീഷിലോ എഴുതുക. ദയവായി അവഹേളനപരവും വ്യക്തിപരമായ അധിക്ഷേപങ്ങളും അശ്ലീല പദപ്രയോഗങ്ങളും ഒഴിവാക്കുക .വായനക്കാരുടെ അഭിപ്രായ പ്രകടനങ്ങള്‍ക്കോ അധിക്ഷേപങ്ങള്‍ക്കോ അശ്ലീല പദപ്രയോഗങ്ങള്‍ക്കോ തേജസ്സ് ഉത്തരവാദിയായിരിക്കില്ല.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക


Top stories of the day
Dont Miss