|    May 25 Fri, 2018 6:55 am
FLASH NEWS

മഞ്ഞപ്പിത്തം: പ്രതിരോധ പ്രവര്‍ത്തനങ്ങള്‍ ഊര്‍ജിതമാക്കി

Published : 6th May 2018 | Posted By: kasim kzm

മണലൂര്‍: മണലൂര്‍ ഗ്രാമപ്പഞ്ചായത്തില്‍ തൃശൂര്‍ ഗവ. എഞ്ചിനീയറിങ് കോളജില്‍ നിന്നും മഞ്ഞപ്പിത്തരോഗം ബാധിച്ച ആറു വിദ്യാര്‍ഥികളെ കണ്ടെത്തിയതിനെത്തുടര്‍ന്ന് പ്രതിരോധ പ്രവര്‍ത്തനങ്ങള്‍ ഊര്‍ജിതമാക്കി.
രോഗ പ്രതിരോധ പ്രവര്‍ത്തനങ്ങളുടെ ഭാഗമായി പഞ്ചായത്തിലെ മുഴുവന്‍ കിണറുകളും സൂപ്പര്‍ ക്ലോറിനേഷന്‍ നടത്തുന്നതിന്റെ പഞ്ചായത്ത് തല ഉദ്ഘാടനം മണലൂര്‍ ഗവ. ഹയര്‍ സെക്കന്‍ഡറി സ്‌കൂള്‍ പൊതുകിണര്‍ ക്ലോറിനേഷന്‍ നടത്തികൊണ്ട് ഗ്രാമപ്പഞ്ചായത്ത് പ്രസിഡന്റ് വിജി ശശി നിര്‍വഹിച്ചു.
കുടുംബ ആരോഗ്യകേന്ദ്രം മെഡിക്കല്‍ ഓഫിസര്‍ ഡോ. എം എസ് റാണ, ജനപ്രതിനിധികള്‍, ആരോഗ്യവകുപ്പ് ജീവനക്കാര്‍, ആഷ പ്രവര്‍ത്തകര്‍, പൊതുപ്രവര്‍ത്തകര്‍ പങ്കെടുത്തു. തിളപ്പിച്ചാറ്റിയ വെള്ളം മാത്രം കുടിക്കുക, ആഹാരത്തിനു മുമ്പും ശുചിമുറി ഉപയോഗത്തിനു ശേഷവും കൈകള്‍ സോപ്പിട്ടു കഴുകുക, ആഹാരം ചൂടോടെ ഉപയോഗിക്കുക, ശീതള പാനീയങ്ങള്‍, ഐസ്‌ക്രീം എന്നിവ ഒഴിവാക്കുക എന്നും രോഗലക്ഷണങ്ങള്‍ കണ്ടാല്‍ ഉടനെ ചികില്‍സ തേടണമെന്നും മെഡിക്കല്‍ ഓഫിസര്‍ അറിയിച്ചു.

  ......................................................................................................................                                                                          
വായനക്കാരുടെ അഭിപ്രായങ്ങള്‍ താഴെ എഴുതാവുന്നതാണ്. മംഗ്ലീഷ് ഒഴിവാക്കി മലയാളത്തിലോ ഇംഗ്ലീഷിലോ എഴുതുക. ദയവായി അവഹേളനപരവും വ്യക്തിപരമായ അധിക്ഷേപങ്ങളും അശ്ലീല പദപ്രയോഗങ്ങളും ഒഴിവാക്കുക .വായനക്കാരുടെ അഭിപ്രായ പ്രകടനങ്ങള്‍ക്കോ അധിക്ഷേപങ്ങള്‍ക്കോ അശ്ലീല പദപ്രയോഗങ്ങള്‍ക്കോ തേജസ്സ് ഉത്തരവാദിയായിരിക്കില്ല.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക


Top stories of the day
Dont Miss