|    Oct 19 Thu, 2017 7:25 am
FLASH NEWS

മഞ്ചേശ്വരം മേഖലയില്‍ മോഷണം വ്യാപകം; ജനങ്ങള്‍ക്ക് ഉറക്കമില്ല

Published : 5th October 2017 | Posted By: fsq

 

കുഞ്ചത്തൂര്‍: മഞ്ചേശ്വരം, കുഞ്ചത്തൂര്‍ ഭാഗങ്ങളില്‍ മോഷണം വ്യാപകമാകുന്നു. കുപ്രസിദ്ധ മോഷണ സംഘം ഈ ഭാഗത്ത് തമ്പടിച്ച് കവര്‍ച്ച നടത്തുകയാണെന്ന് നാട്ടുകാര്‍പറഞ്ഞു. കഴിഞ്ഞ ഒരുമാസത്തിനുള്ളില്‍ ഈ ഭാഗത്ത് ആറോളംകവര്‍ച്ചകളാണ് നടന്നത്. എന്നാല്‍ ഒരു കേസിലും പ്രതികളെ കണ്ടെത്താനായിട്ടില്ല. കുഞ്ചത്തൂരിലെ അഷ്‌റഫിന്റെ വീട്ടില്‍ നിന്ന് ഒരുമാസം മുമ്പ് 64 പവന്‍ സ്വര്‍ണാഭരണങ്ങള്‍ കവര്‍ന്നിരുന്നു. വീട്ടുകാര്‍ ഉറങ്ങിക്കിടക്കുന്നതിനിടയിലാണ് കവര്‍ച്ച നടന്നത്. ഇതിന് ശേഷം ചെറുതുംവലുതുമായ ആറോളം കവര്‍ച്ചകള്‍ വേറെയും നടന്നു. കഴിഞ്ഞ ദിവസം കുഞ്ചത്തൂര്‍ പാദയിലെ ജഗന്നാഥഷെട്ടിയുടെ വീടിന്റെ വാതില്‍ പൊളിച്ച് അകത്തുകയറി സ്വര്‍ണാഭരണങ്ങളും പണവും ഇലക്ട്രോണിക്‌സ് ഉപകരണങ്ങളും കവര്‍ന്നിരുന്നു. ഹൈവേ പട്രോളിങ് പോലിസ് ഈ ഭാഗത്ത് രാത്രികാലങ്ങളില്‍ നിഷ്‌ക്രിയമാണെന്ന് നാട്ടുകാര്‍ പറഞ്ഞു. കേരള-കര്‍ണാടക അതിര്‍ത്തി പ്രദേശമായതിനാല്‍ മോഷണ സംഘം എളുപ്പത്തില്‍ കര്‍ണാടകയിലേക്ക് രക്ഷപ്പെടുകയാണ് പതിവ്. അതിര്‍ത്തിയില്‍ പോലിസ് എയ്ഡ് പോസ്റ്റില്ലാത്തതിനാല്‍ സാമൂഹികവിരുദ്ധരും അഴിഞ്ഞാടുന്നുണ്ട്.

                                                                               
വായനക്കാരുടെ അഭിപ്രായങ്ങള്‍ താഴെ എഴുതാവുന്നതാണ്. മംഗ്ലീഷ് ഒഴിവാക്കി മലയാളത്തിലോ ഇംഗ്ലീഷിലോ എഴുതുക. ദയവായി അവഹേളനപരവും വ്യക്തിപരമായ അധിക്ഷേപങ്ങളും അശ്ലീല പദപ്രയോഗങ്ങളും ഒഴിവാക്കുക .വായനക്കാരുടെ അഭിപ്രായ പ്രകടനങ്ങള്‍ക്കോ അധിക്ഷേപങ്ങള്‍ക്കോ അശ്ലീല പദപ്രയോഗങ്ങള്‍ക്കോ തേജസ്സ് ഉത്തരവാദിയായിരിക്കില്ല.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക