|    Aug 17 Fri, 2018 6:19 pm
FLASH NEWS
Home   >  National   >  

മക്ക മസ്ജിദ് സ്‌ഫോടനക്കേസില്‍ വെറുതെ വിട്ട സ്വാമി അസീമാനന്ദ ബിജെപി തിരഞ്ഞെടുപ്പ് പ്രചരണത്തിന്

Published : 20th April 2018 | Posted By: mi.ptk

കൊല്‍ക്കത്ത: മക്ക മസ്ജിദ് സ്‌ഫോടനക്കേസില്‍ തെളിവില്ലെന്ന് ചൂണ്ടിക്കാട്ടി കോടതി വെറുതെ വിട്ട സ്വാമി അസീമാനന്ദ ബിജെപിക്ക് വേണ്ടി തിരഞ്ഞെടുപ്പ് പ്രചരണത്തിന് ഇറങ്ങുന്നു. ഇക്കാര്യത്തില്‍ അസീമാനന്ദയുമായി ചര്‍ച്ച നടത്തിയതായി ബിജെപി ബംഗാള്‍ പ്രസിഡന്റും ആര്‍എസ്എസ് പ്രചാരകനുമായ ദിലീപ് ഘോഷ് പറഞ്ഞു.
തനിക്ക് കാലങ്ങളായി അറിയുന്നയാളാണ് അസീമാനന്ദയെന്നും അദ്ദേഹത്തെ തങ്ങള്‍ക്ക് ആവശ്യമുണ്ടെന്നും ദിലീപ് ഘോഷ് പറഞ്ഞു. ബംഗാളിലെ സ്ഥിതി മോശമാണെന്നും ഇവിടെ പ്രവര്‍ത്തിക്കണമെന്നും അദ്ദേഹത്തോട് ആവശ്യപ്പെട്ടിരുന്നു. അദ്ദേഹം അത് സമ്മതിച്ചു. ഇപ്പോള്‍ അദ്ദേഹം കുറ്റവിമുക്തനായിരിക്കുകയാണ്. അതുകൊണ്ട് തന്നെ ഇവിടെ തങ്ങള്‍ക്കൊപ്പം അദ്ദേഹം കാംപയിന്‍ നടത്തും. പഞ്ചായത്ത് തിരഞ്ഞെടുപ്പ് പ്രചരണത്തില്‍ അദ്ദേഹം സംസാരിക്കുമെന്നും ദിലീപ് ഘോഷ് പറഞ്ഞു.
വലിയ സംഘടനാശേഷിയും പ്രവര്‍ത്തന പരിചയവുമുള്ള വ്യക്തിയാണ് സ്വാമി അസീമാനന്ദ. അദ്ദേഹത്തിന്റെ സംഘടനാ ശക്തി പാര്‍ട്ടിക്ക് കൂടുതല്‍ നേട്ടമുണ്ടാക്കും. പഞ്ചായത്ത് തിരഞ്ഞെടുപ്പിനുശേഷം ബംഗാളിലെ ആദിവാസി മേഖലയില്‍ പാര്‍ട്ടിയുടെ അടിത്തറ ശക്തിപ്പെടുത്താന്‍ അദ്ദേഹം പ്രവര്‍ത്തിക്കുമെന്നും ദിലീപ് ഘോഷ് കൂട്ടിച്ചേര്‍ത്തു.

                                                                           
വായനക്കാരുടെ അഭിപ്രായങ്ങള്‍ താഴെ എഴുതാവുന്നതാണ്. മംഗ്ലീഷ് ഒഴിവാക്കി മലയാളത്തിലോ ഇംഗ്ലീഷിലോ എഴുതുക. ദയവായി അവഹേളനപരവും വ്യക്തിപരമായ അധിക്ഷേപങ്ങളും അശ്ലീല പദപ്രയോഗങ്ങളും ഒഴിവാക്കുക .വായനക്കാരുടെ അഭിപ്രായ പ്രകടനങ്ങള്‍ക്കോ അധിക്ഷേപങ്ങള്‍ക്കോ അശ്ലീല പദപ്രയോഗങ്ങള്‍ക്കോ തേജസ്സ് ഉത്തരവാദിയായിരിക്കില്ല.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക


Top stories of the day
Dont Miss