|    Sep 23 Sun, 2018 5:33 pm
FLASH NEWS
Home   >  Todays Paper  >  page 9  >  

മക്കളുടെ മോശം പെരുമാറ്റം; കൊറിയന്‍ എയര്‍ ചെയര്‍മാന്‍ മാപ്പുപറഞ്ഞു

Published : 23rd April 2018 | Posted By: kasim kzm

സോള്‍: തന്റെ രണ്ടു പെണ്‍മക്കളുടെ മോശം പെരുമാറ്റത്തില്‍ കൊറിയന്‍ എയര്‍ ചെയര്‍മാന്‍ ചോ യാങ് ഹു മാപ്പുപറഞ്ഞു. ഇരുവരും അവരുടെ കമ്പനിയിലെ ജോലി ഉടന്‍ രാജിവയ്ക്കുമെന്നും അദ്ദേഹം അറിയിച്ചു.
ദക്ഷിണ കൊറിയന്‍ ഫഌഗ് കരിയര്‍ കമ്പനിയില്‍ മാര്‍ക്കറ്റിങ് എക്‌സിക്യൂട്ടീവായി ജോലിചെയ്യുന്ന, ചോ യാങ് ഹുവിന്റെ ഇളയ മകള്‍ ചോ ഹ്യൂന്‍ മിന്‍ യോഗത്തിനിടെ ഒരു യുവാവിന്റെ മുഖത്ത് വെള്ളം ഒഴിച്ചതിനു പോലിസ് കേസ് രജിസ്റ്റര്‍ ചെയ്തിരുന്നു.
നാലു വര്‍ഷം മുമ്പ് മൂത്ത മകള്‍ ചോ ഹ്യൂന്‍ ആഹ് വിമാനത്തില്‍ അണ്ടിപ്പരിപ്പ് കവറില്‍ നല്‍കിയതിന് എയര്‍ഹോസ്റ്റസിനെ അടിച്ചതും ലോക മാധ്യമങ്ങളില്‍ വാര്‍ത്തയായിരുന്നു. മക്കളുടെ പിതാവ് എന്ന നിലയിലും കൊറിയന്‍ എയര്‍ ചെയര്‍മാന്‍ എന്ന നിലയിലും അവരുടെ പ്രവൃത്തി തന്നെ ഭീതിപ്പെടുത്തുന്നു. എല്ലാം തന്റെ തെറ്റാണെന്നും ജനങ്ങളോട് മാപ്പു ചോദിക്കുകയാണെന്നും ചോ യാങ് ഹു പറഞ്ഞു.

                                                                           
വായനക്കാരുടെ അഭിപ്രായങ്ങള്‍ താഴെ എഴുതാവുന്നതാണ്. മംഗ്ലീഷ് ഒഴിവാക്കി മലയാളത്തിലോ ഇംഗ്ലീഷിലോ എഴുതുക. ദയവായി അവഹേളനപരവും വ്യക്തിപരമായ അധിക്ഷേപങ്ങളും അശ്ലീല പദപ്രയോഗങ്ങളും ഒഴിവാക്കുക .വായനക്കാരുടെ അഭിപ്രായ പ്രകടനങ്ങള്‍ക്കോ അധിക്ഷേപങ്ങള്‍ക്കോ അശ്ലീല പദപ്രയോഗങ്ങള്‍ക്കോ തേജസ്സ് ഉത്തരവാദിയായിരിക്കില്ല.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക


Top stories of the day
Dont Miss