|    Aug 19 Sat, 2017 1:39 am
FLASH NEWS
Home   >  Kerala   >  

മകള്‍ അണിഞ്ഞത് 75 പവന്‍ മാത്രമെന്ന് ഗീതാഗോപിയുടെ വിശദീകരണം

Published : 8th June 2017 | Posted By: G.A.G

തൃശൂര്‍ : തന്റെ മകളുടെ വിവാഹത്തിന് അന്‍പത് പവന്‍ മാത്രമേ താന്‍ നല്‍കിയിട്ടുള്ളൂവെന്നും ബാക്കി സ്വര്‍ണം ബന്ധുക്കളും സുഹൃത്തുക്കളും സമ്മാനമായി നല്‍കിയതാണെന്നും സിപിഐ എംഎല്‍എ ഗീതാ ഗോപി പാര്‍ട്ടിക്ക് വിശദീകരണം നല്‍കിയതായി റിപോര്‍ട്ട്.

മകളുടെ വിവാഹത്തിലുണ്ടായ ആഡംബരം സോഷ്യല്‍ മീഡിയയില്‍ പരിഹാസത്തിന് വഴിയൊരുക്കിയ സാഹചര്യത്തില്‍ പാര്‍ട്ടി ആവശ്യപ്പെട്ടതനുസരിച്ചാണ് എം എല്‍ എ വിശദീകരണം നല്‍കിയത്. ഗുരുവായൂരില്‍ വച്ച് നടന്ന വിവാഹച്ചടങ്ങിനോടനുബന്ധിച്ച് സര്‍വാഭരണ വിഭൂഷിതയായ വധുവിന്റെ വിവാഹ ചിത്രങ്ങള്‍ സോഷ്യല്‍ മീഡിയയില്‍ വ്യാപകമായി പ്രചരിച്ച സാഹചര്യത്തിലാണ് പാര്‍ട്ടി വിശദീകരണം തേടിയത്.

ആഡംബരം ഒഴിവാക്കി വിവാഹങ്ങള്‍ ലളിതമാക്കണമെന്ന ചര്‍ച്ച മുല്ലക്കര രത്‌നാകരന്‍ എംഎല്‍എ നിയമസഭയില്‍ ഉന്നയിക്കുന്നതിനിടെ ഡെസ്‌കിലടിച്ച് പിന്തുണ പ്രഖ്യാപിച്ച ഗീത ഗോപി സ്വന്തം മകളുടെ വിവാഹത്തില്‍ ആഡംബരം കാണിച്ചതാണ് സോഷ്യല്‍ മീഡിയയില്‍ പരിഹാസത്തിന് വഴിയൊരുക്കിയത്. 75 പവന്‍ മാത്രമാണ് മകള്‍ അണിഞ്ഞതെന്നും ഇതില്‍ ഇരുപത്തഞ്ച് പവനോളം ബന്ധുക്കളും സുഹൃത്തുക്കളും സമ്മാനം നല്‍കിയതാണെന്നുമാണ് ഗീതാഗോപിയുടെ വിശദീകരണം.

                                                                               
വായനക്കാരുടെ അഭിപ്രായങ്ങള്‍ താഴെ എഴുതാവുന്നതാണ്. മംഗ്ലീഷ് ഒഴിവാക്കി മലയാളത്തിലോ ഇംഗ്ലീഷിലോ എഴുതുക. ദയവായി അവഹേളനപരവും വ്യക്തിപരമായ അധിക്ഷേപങ്ങളും അശ്ലീല പദപ്രയോഗങ്ങളും ഒഴിവാക്കുക .വായനക്കാരുടെ അഭിപ്രായ പ്രകടനങ്ങള്‍ക്കോ അധിക്ഷേപങ്ങള്‍ക്കോ അശ്ലീല പദപ്രയോഗങ്ങള്‍ക്കോ തേജസ്സ് ഉത്തരവാദിയായിരിക്കില്ല.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക