|    Nov 18 Sat, 2017 11:12 pm
FLASH NEWS
Home   >  National   >  

മകളെ ശല്യപ്പെടുത്തിയയാള്‍ അമ്മയെ പെട്രോളൊഴിച്ച് കത്തിച്ചു

Published : 21st April 2017 | Posted By: shins

മുംബൈ: മകളെ നിരന്തരം ശല്യപ്പെടുത്തിയ യുവാവിനെ ചെറുത്ത അമ്മയെ യുവാവ് പെട്രോളൊഴിച്ച് കത്തിച്ചു. അമ്മയും അമ്മയോടൊപ്പം പൊള്ളലേറ്റ സുഹൃത്തും അവരുടെ രണ്ട് വയസ്സുള്ള കുഞ്ഞും മുബൈ മസീന ആശുപത്രിയില്‍ ഗുരുതരാവസ്ഥയില്‍ ചികില്‍സയില്‍ കഴിയുകയാണ്. സംഭവത്തില്‍ 25കാരനായ ദീപക് ജേത്തിനെ പോലീസ് അറസ്റ്റ് ചെയ്തു. മകള്‍ക്ക് നേരെ നഗ്‌നത പ്രദര്‍ശിപ്പിക്കുന്നത് പതിവാക്കിയ ദീപകിന് പല തവണ പെണ്‍കുട്ടിയും അമ്മയായ അമരാവതി ഹരിജനും താക്കീത് നല്‍കിയിട്ടും ദീപക് പ്രവൃത്തി തുടരുകയായിരുന്നു. അമരാവതിക്ക് 94 ശതമാനവും പൊള്ളലേറ്റിരിക്കുകയാണ്. ദീപക് ശല്യപ്പെടുത്തുന്നുവെന്ന പറഞ്ഞ് കഴിഞ്ഞ വര്‍ഷം പെണ്‍കുട്ടി പോലീസില്‍ പരാതി നല്‍കിയിരുന്നു. യുവാവിന്റെ മുഖത്തടിച്ച് പോലീസ് പറഞ്ഞയച്ചു എന്നല്ലാതെ പെണ്‍കുട്ടിയുടെ സുരക്ഷ ഉറപ്പാക്കുന്നതില്‍ വീഴ്ച്ച വരുത്തി എന്നാണ് സ്ത്രീ സംഘടനകള്‍ പറയുന്നത്. വീടിന് പുറത്തുനിന്ന തന്റെ ദേഹത്തേക്കും യുവാവ് പെട്രോള്‍ ഒഴിച്ചതായി 18കാരിയായ പെണ്‍കുട്ടി പറയുന്നു.

വായനക്കാരുടെ അഭിപ്രായങ്ങള്‍ താഴെ എഴുതാവുന്നതാണ്. മംഗ്ലീഷ് ഒഴിവാക്കി മലയാളത്തിലോ ഇംഗ്ലീഷിലോ എഴുതുക. ദയവായി അവഹേളനപരവും വ്യക്തിപരമായ അധിക്ഷേപങ്ങളും അശ്ലീല പദപ്രയോഗങ്ങളും ഒഴിവാക്കുക .വായനക്കാരുടെ അഭിപ്രായ പ്രകടനങ്ങള്‍ക്കോ അധിക്ഷേപങ്ങള്‍ക്കോ അശ്ലീല പദപ്രയോഗങ്ങള്‍ക്കോ തേജസ്സ് ഉത്തരവാദിയായിരിക്കില്ല.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക