|    Sep 21 Fri, 2018 9:41 am
FLASH NEWS

മകനെ കാണാന്‍ തടവുകാരന് അവസരം നല്‍കണമെന്ന്

Published : 20th December 2017 | Posted By: kasim kzm

തൃശൂര്‍: ജനസേവാ ശിശുഭവനില്‍ താമസിക്കുന്ന ഏകമകനെ കാണാന്‍ അവസരം നല്‍കണമെന്ന തടവുകാരന്റെ ആവശ്യം ജയില്‍ നിയമങ്ങളുടെ അടിസ്ഥാനത്തില്‍ പരിഗണിക്കണമെന്ന് സംസ്ഥാന മനുഷ്യാവകാശ കമ്മീഷന്‍. വിയ്യൂര്‍ സെന്‍ട്രല്‍ ജയിലില്‍ തടവുകാരനായ മുജീബ് റഹ്മാന്‍ നല്‍കിയ പരാതിയിലാണ് കമ്മീഷന്‍ അംഗം കെ മോഹന്‍കുമാറിന്റെ ഉത്തരവ്. പരാതിക്കാരന്റെ ആവശ്യം പരിഗണിച്ച് തീരുമാനമെടുക്കണമെന്ന് കമ്മീഷന്‍ ജയില്‍ മേധാവിക്ക് നിര്‍ദ്ദേശം നല്‍കി. ജീവപര്യന്തം തടവുശിക്ഷ അനുഭവിക്കുന്ന പരാതിക്കാരന്റെ ഏകമകന്‍ ആലുവാ ജനസേവാ ശിശുഭവനിലാണ്. നിശ്ചിത ഇടവേളകളില്‍ ഏതാനും മണിക്കൂര്‍ മകനോടൊപ്പം ചെലവിടുന്നതിനായി എസ്‌കോര്‍ട്ട് പരോള്‍ അനുവദിക്കണമെന്നാണ് ആവശ്യം. തടവുകാര്‍ക്ക് ലഭിക്കേണ്ട നിയമപരമായ അവകാശങ്ങള്‍ ജയില്‍ അധികാരികള്‍ ഉറപ്പുവരുത്തണമെന്ന് കമ്മീഷന്‍ ആവശ്യപ്പെട്ടു.

                                                                           
വായനക്കാരുടെ അഭിപ്രായങ്ങള്‍ താഴെ എഴുതാവുന്നതാണ്. മംഗ്ലീഷ് ഒഴിവാക്കി മലയാളത്തിലോ ഇംഗ്ലീഷിലോ എഴുതുക. ദയവായി അവഹേളനപരവും വ്യക്തിപരമായ അധിക്ഷേപങ്ങളും അശ്ലീല പദപ്രയോഗങ്ങളും ഒഴിവാക്കുക .വായനക്കാരുടെ അഭിപ്രായ പ്രകടനങ്ങള്‍ക്കോ അധിക്ഷേപങ്ങള്‍ക്കോ അശ്ലീല പദപ്രയോഗങ്ങള്‍ക്കോ തേജസ്സ് ഉത്തരവാദിയായിരിക്കില്ല.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക


Top stories of the day
Dont Miss