|    Apr 26 Thu, 2018 1:13 pm
FLASH NEWS
Home   >  Kerala   >  

മഅ്ദനിക്ക് നീതി ലഭ്യമാക്കണം: സ്പീക്കര്‍

Published : 3rd March 2018 | Posted By: mi.ptk

പൊന്നാനി: പി.ഡി.പി ചെയര്‍മാന്‍ അബ്ദുന്നാസിര്‍ മഅ്ദനിയുടെ ആരോഗ്യനില അനുദിനം വഷളായിവരുന്ന സാഹചര്യത്തില്‍ അദ്ദേഹത്തിന് നീതി ലഭ്യമാക്കാന്‍ വേണ്ട സാഹചര്യം സൃഷ്ടിക്കണമെന്ന് സ്പീക്കര്‍ പി.ശ്രീരാമകൃഷ്ണന്‍ ആവശ്യപ്പെട്ടു. മഅ്ദനിക്ക് നിതി ലഭ്യമാക്കാന്‍ ഇടപെടണമെന്നാവശ്യപ്പെട്ടുകൊണ്ട് പി.ഡി.പി. പൊന്നാനി നിയോജകമണ്ഡലം കമ്മിറ്റിയുടെ ആഭിമുഖ്യത്തില്‍ സമര്‍പ്പിച്ച നിവേദനം സ്വീകരിച്ച് സംസാരിക്കുകയായിരുന്നു അദ്ദേഹം.

രോഗിയും വികലാംഗനുമായ മഅ്ദനിക്ക് മാനുഷിക പരിഗണന നല്‍കണമെന്നും വിഷയം മുഖ്യമന്ത്രിയുടെ ശ്രദ്ധയില്‍പ്പെടുത്തുമെന്നും അദ്ദേഹം അറിയിച്ചു. നിയോജമകമണ്ഡലം പ്രസിഡന്റ് എം.മൊയ്തുണ്ണി ഹാജി, സെക്രട്ടറി അഷ്‌റഫ് പൊന്നാനി, സംസ്ഥാന കൗണ്‍സില്‍ അംഗങ്ങളായ അസീസ് വെളിയങ്കോട്, എം.എ അഹമ്മദ് കബീര്‍, ജില്ലാ കമ്മിറ്റി അംഗം നസീര്‍ പുറങ്ങ്, ട്രഷറര്‍ ഷാഫി പെരുമ്പടപ്പ്, ജോ.സെക്രട്ടറി ഫൈസല്‍ ചങ്ങരംകുളം, പി.സി.എഫ് ജില്ലാ കമ്മിറ്റി അംഗം അബുനാസ്, പി.ടി.യു.സി മണ്ഡലം പ്രസിഡന്റ് ഹൈദര്‍ പാലയ്ക്കല്‍, പി.എച്ച്.എഫ് മണ്ഡലം പ്രസിഡന്റ് സുബൈര്‍ മൗലവി എന്നിവര്‍ നേതൃത്വം നല്‍കി.

  ......................................................................................................................                                                                          
വായനക്കാരുടെ അഭിപ്രായങ്ങള്‍ താഴെ എഴുതാവുന്നതാണ്. മംഗ്ലീഷ് ഒഴിവാക്കി മലയാളത്തിലോ ഇംഗ്ലീഷിലോ എഴുതുക. ദയവായി അവഹേളനപരവും വ്യക്തിപരമായ അധിക്ഷേപങ്ങളും അശ്ലീല പദപ്രയോഗങ്ങളും ഒഴിവാക്കുക .വായനക്കാരുടെ അഭിപ്രായ പ്രകടനങ്ങള്‍ക്കോ അധിക്ഷേപങ്ങള്‍ക്കോ അശ്ലീല പദപ്രയോഗങ്ങള്‍ക്കോ തേജസ്സ് ഉത്തരവാദിയായിരിക്കില്ല.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക


Dont Miss