|    Apr 21 Sat, 2018 11:10 pm
FLASH NEWS

ഭൂമാഫിയ സംഘങ്ങള്‍ കള്ളരേഖയുണ്ടാക്കി കുന്നത്തൂര്‍ പാറക്കുളം നികത്തുന്നത് തടയണം

Published : 26th February 2018 | Posted By: kasim kzm

പാലക്കാട്: പാലക്കാട് നഗരസഭ പരിധിയിലുള്ള കുന്നത്തൂര്‍മേട് പ്രദേശത്തെ “”പാറക്കുളം പുരാതനമായിട്ടുള്ളതാണെന്നും, ഏതു വരള്‍ച്ച വേനല്‍ക്കാലത്തും കുന്നത്തൂര്‍മേട് പ്രദേശത്തെ വീടുകളിലെ കിണറുകളില്‍ വെള്ളം വറ്റാതെ നീരുറവയുണ്ടാക്കി പ്രദേശവാസികളുടെ ജലക്ഷാമം പരിഹരിച്ചുകൊണ്ടിരിക്കുന്ന ഈ പാറക്കുളത്തെ റിയല്‍ എസ്റ്റേറ്റ് ഭൂമാഫിയ സംഘങ്ങള്‍ അനധികൃതമായി കള്ളരേഖയുണ്ടാക്കി കൈവശപ്പെടുത്തി തൂര്‍വയിടുവാന്‍ ശ്രമിക്കുന്നതെന്ന് കുന്നത്തൂര്‍മേട് പ്രദേശത്തേയും പരിസര പ്രദേശത്തെയും വിവിധ രാഷ്ട്രീയ പാര്‍ട്ടികളുടെ പ്രവര്‍ത്തകര്‍ കക്ഷിരാഷ്ട്രീയത്തിനതീതമായി രൂപംകൊണ്ട കുന്നത്തൂര്‍മേട് പാറക്കുളം സംരക്ഷണസമിതി  ആരോപിച്ചു.
കാലാവസ്ഥ പ്രതികൂലമായത് മൂലം വരള്‍ച്ചയും ജലക്ഷാമവും നേരിടുന്ന ഈ കാലഘട്ടത്തില്‍ ജലക്ഷാമം പരിഹരിക്കുവാന്‍ വേണ്ടി സര്‍ക്കാര്‍ തണ്ണീര്‍ത്തട-നീര്‍ത്തട സംരക്ഷണ പരിപാടിയുമായി മുന്നോട്ട് പോകുമ്പോ ള്‍, പാലക്കാട് ടൗണ്‍ മൂന്ന് വില്ലേജ് ഓഫിസ് പരിധിയിലുള്ളതും വില്ലേജ് ബി ടി ആര്‍ ല്‍ അവകാശി രേഖപ്പെടുത്താത്തതുമായ ഈ കുളം നികത്തുവാന്‍ വേണ്ടി ടിപ്പര്‍ ലോറിയില്‍ മണ്ണും മണലും പാറപ്പൊടിയും കടത്തുന്നതിനെ നിയന്ത്രിക്കുവാനും, ആവശ്യമായ ശിക്ഷാനടപടികള്‍ സ്വീകരിക്കുവാനും ബന്ധപ്പെട്ട റവന്യൂ-പൊലീസ് ഉദ്യോഗസ്ഥരും ജില്ലാ ഭരണകൂടവും തയ്യാറാവണമെന്നും പാറക്കുളം ജലസംരക്ഷണ സമിതി ആവശ്യപ്പെട്ടു.

  ......................................................................................................................                                                                          
വായനക്കാരുടെ അഭിപ്രായങ്ങള്‍ താഴെ എഴുതാവുന്നതാണ്. മംഗ്ലീഷ് ഒഴിവാക്കി മലയാളത്തിലോ ഇംഗ്ലീഷിലോ എഴുതുക. ദയവായി അവഹേളനപരവും വ്യക്തിപരമായ അധിക്ഷേപങ്ങളും അശ്ലീല പദപ്രയോഗങ്ങളും ഒഴിവാക്കുക .വായനക്കാരുടെ അഭിപ്രായ പ്രകടനങ്ങള്‍ക്കോ അധിക്ഷേപങ്ങള്‍ക്കോ അശ്ലീല പദപ്രയോഗങ്ങള്‍ക്കോ തേജസ്സ് ഉത്തരവാദിയായിരിക്കില്ല.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക


Dont Miss