|    Nov 13 Tue, 2018 9:17 pm
FLASH NEWS

ഭീമന്‍ ചപ്പാത്തി ചുട്ട് ഗിന്നസിലേക്ക്…

Published : 11th May 2018 | Posted By: kasim kzm

കോഴിക്കോട്: ഗോതമ്പു വയലുകളുള്ള വടക്കേ ഇന്ത്യക്കാരെ വെട്ടിച്ച് കോഴിക്കോട്ടുകാര്‍ ലോകത്തിലെ തന്നെ ഏറ്റവും വലിയ ചപ്പാത്തി ചുട്ട് ഗിന്നസ് ബുക്കിലേക്ക്. അയിത്തത്തിനും വര്‍ണവിവേചനത്തിനും ജാതി വ്യവസ്ഥക്കുമെതിരെ പോരാടിയ നവോത്ഥാന നായകന്‍ സഹോദരന്‍ അയ്യപ്പന്‍ നടത്തിയ പന്തി ഭോജനത്തിന്റെ ഓര്‍മ്മ പുതുക്കല്‍ കൂടിയായി ചപ്പാത്തിചുടല്‍ ചടങ്ങ്. 175 കിലോ തൂക്കം വരുന്നതും ആറു മീറ്റര്‍ വ്യാസമുള്ളതുമായ ഭീമന്‍ ചപ്പാത്തിയുടെ നിര്‍മാണത്തില്‍ വിദ്യാര്‍ഥികളടക്കം ഒട്ടേറെ പേര്‍ പങ്കാളികളായി. ക്യൂറേറ്ററായ കാര്‍ട്ടൂണിസ്റ്റ് എം ദിലീഫ്, അഡ്രസ് മാള്‍ എംഡി കെ സന്‍ഫീര്‍, മാര്‍ക്കറ്റിങ് ഹെഡ് ഷഫീര്‍, അടുക്കള ഹോം അപ്ലയന്‍സ് എം ഡി  മുഹമ്മദ് റിയാസ്, കണ്‍വീനര്‍ ലത്തീഫ് കുറ്റിക്കുളം എന്നിവരാണ് ചപ്പാത്തി നിര്‍മാണത്തിന് നേതൃത്വം നല്‍കിയത്. ചപ്പാത്തി തയാറാക്കാനുള്ള ചട്ടി നിയമസഭാ സ്പീക്കര്‍ ശ്രീരാമകൃഷ്ണന്‍ കഴിഞ്ഞ ദിവസം ഉദ്ഘാടനം ചെയ്തിരുന്നു. ഗിന്നസ് ബുക്ക് അധികൃതര്‍ ചപ്പാത്തി നിര്‍മാണം വീക്ഷിക്കാനെത്തി. രാവിലെ തുടങ്ങിയ ചപ്പാത്തി ചുടല്‍ വൈകിട്ട് വരെ നീണ്ടു. പിന്നീട് രാത്രിവരേയും ചപ്പാത്തി സൗഹൃദ ഊട്ടും നടന്നു. എന്‍എസ്എസ് വളണ്ടിയര്‍മാരുടെ എന്‍സിസി സേന പങ്കാളികളായി.

                                                                           
വായനക്കാരുടെ അഭിപ്രായങ്ങള്‍ താഴെ എഴുതാവുന്നതാണ്. മംഗ്ലീഷ് ഒഴിവാക്കി മലയാളത്തിലോ ഇംഗ്ലീഷിലോ എഴുതുക. ദയവായി അവഹേളനപരവും വ്യക്തിപരമായ അധിക്ഷേപങ്ങളും അശ്ലീല പദപ്രയോഗങ്ങളും ഒഴിവാക്കുക .വായനക്കാരുടെ അഭിപ്രായ പ്രകടനങ്ങള്‍ക്കോ അധിക്ഷേപങ്ങള്‍ക്കോ അശ്ലീല പദപ്രയോഗങ്ങള്‍ക്കോ തേജസ്സ് ഉത്തരവാദിയായിരിക്കില്ല.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക


Top stories of the day
Dont Miss