|    Mar 29 Wed, 2017 12:40 pm
FLASH NEWS

ഭിത്തികളില്‍ ചോര്‍ച്ച: പുലക്കാട്ടുകര ഷട്ടര്‍ അപകടാവസ്ഥയില്‍

Published : 3rd June 2016 | Posted By: SMR

പാലിയേക്കര: മണലിപ്പുഴയിലെ പുലക്കാട്ടുകര ഷട്ടര്‍ അപകടാവസ്ഥയില്‍. നെന്മണിക്കര-തൃക്കൂര്‍ പഞ്ചായത്തുകളെ ബന്ധിപ്പിക്കുന്ന ഷട്ടര്‍ പാലമാണ് ഭിത്തികളില്‍ ചോര്‍ച്ച വന്നതോടെ അപകടാവസ്ഥയിലായിരിക്കുന്നത്.
ഇരുഭാഗങ്ങളിലുമുള്ള കരിങ്കല്‍ ഭിത്തികളില്‍ നിന്നും വെള്ളം ഒഴുകിയിറങ്ങുകയാണ്. പാലത്തിന്റെ തൂണുകളുടെ ഉള്ളിലൂടെയും ചോര്‍ച്ച ശക്തമാണ്. ഷട്ടറിട്ട് വെള്ളം തടഞ്ഞ് നിര്‍ത്താന്‍ കഴിയാത്ത സാഹചര്യമാണ് ഇപ്പോള്‍ നിലവിലുള്ളത്. ചോര്‍ച്ച കൂടുമെന്ന ഭയത്തിലാണ് ഇപ്പോള്‍ ഷട്ടര്‍ താഴ്ത്താതെ ഉയര്‍ത്തി വച്ചിരിക്കുന്നത്.
കാര്‍ഷിക-ജലസേചന ആവശ്യങ്ങള്‍ക്കായാണ് ഇരു പഞ്ചായത്തുകളിലുമുള്ളവര്‍ ഷട്ടറിനെ ആശ്രയിക്കുന്നത്. ഇരുചക്രവാഹനങ്ങള്‍ക്കും കാല്‍നട യാത്രകാര്‍ക്കും മാത്രം സഞ്ചരിക്കാവുന്ന വീതിയാണ് പാലത്തിനുള്ളത്.
നിരവധി വിദ്യാര്‍ഥികളാണ് ദൈനംദിനം പാലത്തിലൂടെ കടന്ന് പോവുന്നത്. കാലവര്‍ഷം ആരംഭിച്ചതോടെ ചോര്‍ച്ച ശക്തമാകുകയും ചെയ്തതോടെ നാട്ടുകാര്‍ ആശങ്കയിലാണ്. അധികൃതര്‍ ഇടപ്പെട്ട് അപകടാവസ്ഥ പരിഹരിക്കണമെന്നാണ് നാട്ടുകാരുടെ ആവശ്യം.

thanur-inner                            
വായനക്കാരുടെ അഭിപ്രായങ്ങള്‍ താഴെ എഴുതാവുന്നതാണ്. മംഗ്ലീഷ് ഒഴിവാക്കി മലയാളത്തിലോ ഇംഗ്ലീഷിലോ എഴുതുക. ദയവായി അവഹേളനപരവും വ്യക്തിപരമായ അധിക്ഷേപങ്ങളും അശ്ലീല പദപ്രയോഗങ്ങളും ഒഴിവാക്കുക .വായനക്കാരുടെ അഭിപ്രായ പ്രകടനങ്ങള്‍ക്കോ അധിക്ഷേപങ്ങള്‍ക്കോ അശ്ലീല പദപ്രയോഗങ്ങള്‍ക്കോ തേജസ്സ് ഉത്തരവാദിയായിരിക്കില്ല.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക


Top stories of the day