|    May 27 Sat, 2017 12:40 am
FLASH NEWS

ഭാര്‍ഗവ നക്‌സല്‍ അനുകൂലി: രാംമാധവ്

Published : 30th October 2015 | Posted By: swapna en

ram-madhav-

ന്യൂഡല്‍ഹി: ശാസ്ത്രഞ്ജന്‍ പി എം ഭാര്‍ഗവ നക്‌സല്‍ അനുകൂലിയാണെന്ന് ബി.ജെ.പി നേതാവ് രാം മാധവ്. ഭാര്‍ഗവ രാഷ്ട്രീയ പാപമോചകനാണെന്നും മാധവ് പറഞ്ഞു. നക്‌സല്‍ അനുകൂലിയായതിനാലാണ് അദ്ദേഹം പദ്മ ഭൂഷണ്‍ തിരിച്ചുനല്‍കിയത്. ഇത് ശരിയല്ലെന്നും മാധവ് പറഞ്ഞു.
കഴിഞ്ഞ ദിവസമാണ് രാജ്യത്ത് വര്‍ധിച്ചുവരുന്ന അസഹിഷ്ണുതയില്‍ പ്രതിഷേധം രേഖപ്പെടുത്തിക്കൊണ്ട് പ്രമുഖ ശാസ്ത്രജ്ഞനും  സെന്റര്‍ ഫോര്‍ സെല്ലുലാര്‍ ആന്‍ഡ് മോളിക്യുലാര്‍ ബയോളജി ഡയറക്ടറുമായ പി എം ഭാര്‍ഗവ പത്മഭൂഷന്‍ പുരസ്‌കാരം തിരിച്ചു നല്‍കുമെന്ന് പ്രഖ്യാപിച്ചത്.

ശാസ്ത്രത്തിന് നല്‍കിയ സംഭാവനകള്‍ മാനിച്ച് നൂറോളം പുരസ്‌കാരങ്ങള്‍ നേടിയിട്ടുള്ളയാളാണ് ഭാര്‍ഗവ. തനിക്ക്് കേന്ദ്രസര്‍ക്കാരില്‍ നിന്ന്് ലഭിച്ച പുരസ്‌കാരങ്ങളെല്ലാം തിരികെ നല്‍കുമെന്നാണ് ഭാര്‍ഗവ പ്രഖ്യാപിച്ചത്.
യുക്തിബോധത്തിനും ശാസ്ത്രത്തിനുമെതിരായ സര്‍ക്കാരിന്റെ ആക്രമണത്തില്‍ പ്രതിഷേധിച്ചാണ് പുരസ്‌കാരം തിരികെ നല്‍കുന്നതെന്ന്്് ഭാര്‍ഗവ വിശദീകരിച്ചു.

BHARGAVA

മൂന്ന് യുക്തിവാദ എഴുത്തുകാരുടെ കൊലപാതകമാണ് തന്നെ അസ്വസ്ഥനാക്കിത്. വര്‍ഗീയവാദികള്‍ക്ക് മതത്തിന്റെ അടിസ്ഥാനത്തില്‍ രാജ്യത്തെ വിഭജിക്കാന്‍ മോഡിസര്‍ക്കാര്‍ അനുമതി നല്‍കുന്ന സാഹചര്യത്തിലാണ് താന്‍ ഇത്തരമൊരു തീരമാനമെടുക്കുന്നത്്. ഒരു കലാകാരന് തന്റെ പ്രതിഷേധം തന്റെ സൃഷ്ടിയിലൂടെ പ്രകടിപ്പിക്കാം. എന്നാല്‍ ഒരു ശാസ്ത്രജ്ഞനായ താന്‍ എങ്ങിനെയാണ് തന്റെ ജോലിയിലൂടെ പ്രതിഷേധിക്കുക? അതിനാല്‍ പ്രതിഷേധം രേഖപ്പെടുത്താനുള്ള ഏകമാര്‍ഗമെന്ന നിലയിലാണ് പുരസ്‌കാരം തിരികെ നല്‍കുന്നത്. ശാസ്ത്രകാരന് തനിക്ക് ചുറ്റും നടക്കുന്ന കാര്യങ്ങളെ അവഗണിക്കാനോ മൗനം പാലിക്കാനോ സാധിക്കില്ലെന്നും ഭാര്‍ഗവ പറഞ്ഞു.

                                                                               
വായനക്കാരുടെ അഭിപ്രായങ്ങള്‍ താഴെ എഴുതാവുന്നതാണ്. മംഗ്ലീഷ് ഒഴിവാക്കി മലയാളത്തിലോ ഇംഗ്ലീഷിലോ എഴുതുക. ദയവായി അവഹേളനപരവും വ്യക്തിപരമായ അധിക്ഷേപങ്ങളും അശ്ലീല പദപ്രയോഗങ്ങളും ഒഴിവാക്കുക .വായനക്കാരുടെ അഭിപ്രായ പ്രകടനങ്ങള്‍ക്കോ അധിക്ഷേപങ്ങള്‍ക്കോ അശ്ലീല പദപ്രയോഗങ്ങള്‍ക്കോ തേജസ്സ് ഉത്തരവാദിയായിരിക്കില്ല.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക


Top stories of the day