|    Sep 21 Fri, 2018 7:13 am
FLASH NEWS

ഭാര്യയുടെ മുഖത്ത് ആസിഡ് ഒഴിച്ചശേഷം യുവാവ് കീഴടങ്ങി

Published : 6th September 2018 | Posted By: kasim kzm

മുക്കം: കുടുംബ വഴക്കിനെ തുടര്‍ന്ന് ഭര്‍ത്താവ് ഭാര്യയുടെ മുഖത്ത് ആസിഡൊഴിച്ചു. ഗുരുതരമായി പരിക്കേറ്റ മുക്കം നഗരസഭയിലെ കല്ലുരുട്ടി സ്വദേശിനി സ്‌നേഹയെ (28) കോഴിക്കോട് സ്വകാര്യ ആശുപത്രിയില്‍ പ്രവേശിപ്പിച്ചു. സംഭവവുമായി ബന്ധപ്പെട്ട് പെരിന്തല്‍മണ്ണ സ്വദേശിയായ ഭര്‍ത്താവ് ജൈസണ്‍ (35) നെ മുക്കം പോലീസ് അറസ്റ്റ് ചെയ്തു. ചൊവാഴ്ച്ച രാത്രി 7. 30 ഓടെയാണ് സംഭവം. ഏറെക്കാലമായി ഗള്‍ഫിലായിരുന്ന ജൈസണ്‍ മൂന്ന് ദിവസം മു ന്‍പാണ് നാട്ടിലെത്തിയത്. ഗള്‍ഫിലായ സമയത്ത് വീട് നിര്‍മാണത്തിനും മറ്റുമായി ലക്ഷക്കണക്കിന് രൂപ ഭാര്യക്ക് അയച്ചുകൊടുത്തിരുന്നതായും എന്നാല്‍ ആ പണം എന്ത് ചെയ്തു എന്നതിനെ കുറിച്ച് യാതൊരു അറിവുമില്ലന്നും ജൈസണ്‍ പോലിസിന് മൊഴി നല്‍കിയിട്ടുണ്ട്. ഇതേ കുറിച്ചുണ്ടായ വാക്കുതര്‍ക്കത്തിനിടെയാണ് ജൈസണ്‍, നേരത്തെ കരുതി വെച്ചിരുന്ന ആസിഡെടുത്ത് ഭാര്യയുടെ മുഖത്തൊഴിച്ചത്. ഗുരുതരമായി പൊള്ളലേറ്റ യുവതി തീവ്രപരിചരണ വിഭാത്തില്‍ ചികില്‍സയിലാണ്. സംഭവ ശേഷം പ്രതിപുലര്‍ച്ചെ 2 മണിയോടെ സ്റ്റേഷനിലെത്തി കീഴടങ്ങുകയായിരുന്നു.

 

                                                                           
വായനക്കാരുടെ അഭിപ്രായങ്ങള്‍ താഴെ എഴുതാവുന്നതാണ്. മംഗ്ലീഷ് ഒഴിവാക്കി മലയാളത്തിലോ ഇംഗ്ലീഷിലോ എഴുതുക. ദയവായി അവഹേളനപരവും വ്യക്തിപരമായ അധിക്ഷേപങ്ങളും അശ്ലീല പദപ്രയോഗങ്ങളും ഒഴിവാക്കുക .വായനക്കാരുടെ അഭിപ്രായ പ്രകടനങ്ങള്‍ക്കോ അധിക്ഷേപങ്ങള്‍ക്കോ അശ്ലീല പദപ്രയോഗങ്ങള്‍ക്കോ തേജസ്സ് ഉത്തരവാദിയായിരിക്കില്ല.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക


Top stories of the day
Dont Miss