|    Apr 21 Sat, 2018 3:50 am
FLASH NEWS
Home   >  National   >  

ഭാരത് ബന്ദിന് നേതൃത്വം നല്‍കിയ ദലിത് യുവാവിനെ വെടിവച്ചു കൊന്നു

Published : 8th April 2018 | Posted By: mi.ptk

ലഖ്‌നൗ:ഭാരത് ബന്ദിന് നേതൃത്വം നല്‍കിയ ദലിത് യുവാവിനെ വെടിവെച്ചു കൊന്നു. ഉത്തര്‍പ്രദേശിലെ മീററ്റിന് സമീപമുള്ള ശോഭാപൂര്‍ ഗ്രാമത്തിലെ യുവ ദലിത് നേതാവ് ഗോപി പര്യ(28)യെയാണ് വെടിവച്ചുകൊന്നത്. സംഭവത്തെ തുടര്‍ന്ന് ഗ്രാമത്തിലെ ദലിത് യുവാക്കള്‍ പാലായനം ചെയ്യുകയാണ്. ഗോപി പര്യയെ ദലിത് ബന്ദിലെ അക്രമകാരിയെന്ന് ആരോപിച്ചു സംഘപരിവാര്‍ പുറത്തിറക്കിയ ഹിറ്റ്‌ലിസ്റ്റ് വന്‍ വിവാദമായിരുന്നു.

ഏപ്രില്‍ 14ന് ദലിതര്‍ ആഘോഷിക്കാനിരിക്കുന്ന അംബേദ്ക്കര്‍ ജയന്തി അലങ്കോലമാക്കാനുള്ള സംഘപരിവാര്‍ ശ്രമത്തിന്റെ ഭാഗമായാണ് കൊലപതാകമെന്നു സംശയിക്കുന്നതായി ഗ്രാമവാസികള്‍ പറഞ്ഞു. അതേസമയം എന്തുവന്നാലും അംബേദ്ക്കര്‍ ജയന്തി ആഘോഷിക്കുമെന്ന് മീററ്റിലെ ദലിതര്‍ പറഞ്ഞു. ഭീഷണിക്കു മുന്നില്‍ കീഴടങ്ങില്ലെന്നും അവര്‍ വ്യക്തമാക്കി.ഗോപി പര്യയെ ഒന്നാം പേരുകാരനാക്കി സംഘപരിവാര്‍ പുറത്തിറക്കിയ ലിസ്റ്റടക്കം ഉള്‍പ്പെടുത്തി ഗ്രാമവാസികള്‍ പോലീസിന് പരാതി നല്‍കി.

  ......................................................................................................................                                                                          
വായനക്കാരുടെ അഭിപ്രായങ്ങള്‍ താഴെ എഴുതാവുന്നതാണ്. മംഗ്ലീഷ് ഒഴിവാക്കി മലയാളത്തിലോ ഇംഗ്ലീഷിലോ എഴുതുക. ദയവായി അവഹേളനപരവും വ്യക്തിപരമായ അധിക്ഷേപങ്ങളും അശ്ലീല പദപ്രയോഗങ്ങളും ഒഴിവാക്കുക .വായനക്കാരുടെ അഭിപ്രായ പ്രകടനങ്ങള്‍ക്കോ അധിക്ഷേപങ്ങള്‍ക്കോ അശ്ലീല പദപ്രയോഗങ്ങള്‍ക്കോ തേജസ്സ് ഉത്തരവാദിയായിരിക്കില്ല.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക


Dont Miss