|    Jun 25 Mon, 2018 11:27 pm
FLASH NEWS
Home   >  Todays Paper  >  page 9  >  

ഭവനരഹിതന് യുഎസില്‍ ഒരു ലക്ഷം ഡോളര്‍ പ്രതിഫലം

Published : 17th March 2016 | Posted By: sdq

വാഷിങ്ടണ്‍: യുഎസില്‍ തടവു ചാടിയ രണ്ടു ജയില്‍പുള്ളികളെ വലയിലാക്കാന്‍ പോലിസിനെ സഹായിച്ച ഭവനരഹിതന് പോലിസിന്റെ ഒരു ലക്ഷം ഡോളര്‍ പ്രതിഫലം. സാന്‍ഫ്രാന്‍സിസ്‌കോയില്‍ നിന്നുള്ള മാത്യു ഹെ ചാപ്മാനാണ് പ്രതിഫലം സ്വന്തമാക്കിയത്. തടവുപുള്ളികളുടെ ചിത്രങ്ങള്‍ വാര്‍ത്തയില്‍ കണ്ട ചാപ്മാന്‍ ഇവരെ അന്വേഷിച്ചു കണ്ടെത്തി പോലിസിനെ അറിയിക്കുകയായിരുന്നു.
ഓറഞ്ച് കൗണ്ടിയിലെ ജയിലില്‍നിന്ന് ഒരാഴ്ച മുമ്പ് മൂന്നു പേരാണ് തടവുചാടിയത്. ഇവരില്‍ ഒരാള്‍ നേരത്തേ കീഴടങ്ങിയിരുന്നു. കീഴടങ്ങാതിരുന്ന ഹുസയ്ന്‍ നയേറി, ജൊനാഥന്‍ ടിയു എന്നിവരാണ് കഴിഞ്ഞദിവസം പിടിയിലായത്. മൊത്തം പ്രതിഫലത്തുക നാലു പേരായി വീതിച്ചെടുക്കുകയായിരുന്നു. ഇയാളെ തിരിച്ചറിഞ്ഞ് പോലിസിനെ വിവരമറിയിച്ച സൂപ്പര്‍മാര്‍ക്കറ്റ് ജീവനക്കാരായ രണ്ടുപേര്‍ക്ക് 15,000 ഡോളര്‍ വീതവും വാന്‍ മോഷ്ടിക്കപ്പെട്ട ലോസ്ആഞ്ചലസ് സ്വദേശിക്ക് 20,000 ഡോളറുമാണ് നഷ്ടപരിഹാരം ലഭിച്ചത്. അതില്‍ കൂടുതല്‍ പങ്കും ചാപ്മാനാണ് ലഭിച്ചത്.
സാന്‍ഫ്രാന്‍സിസ്‌കോയിലെ ചന്തയില്‍ ഇവരെ കണ്ടെത്തിയതിനെ തുടര്‍ന്ന് ചാപ്മാന്‍ പ്രാദേശിക പോലിസ് സ്‌റ്റേഷനില്‍ വിവരമറിയിക്കുകയും പോലിസ് എത്തുന്നതുവരെ തടവുപുള്ളികളെ തടഞ്ഞുവയ്ക്കുകയുമായിരുന്നു.

  ......................................................................................................................                                                                          
വായനക്കാരുടെ അഭിപ്രായങ്ങള്‍ താഴെ എഴുതാവുന്നതാണ്. മംഗ്ലീഷ് ഒഴിവാക്കി മലയാളത്തിലോ ഇംഗ്ലീഷിലോ എഴുതുക. ദയവായി അവഹേളനപരവും വ്യക്തിപരമായ അധിക്ഷേപങ്ങളും അശ്ലീല പദപ്രയോഗങ്ങളും ഒഴിവാക്കുക .വായനക്കാരുടെ അഭിപ്രായ പ്രകടനങ്ങള്‍ക്കോ അധിക്ഷേപങ്ങള്‍ക്കോ അശ്ലീല പദപ്രയോഗങ്ങള്‍ക്കോ തേജസ്സ് ഉത്തരവാദിയായിരിക്കില്ല.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക


Top stories of the day
Dont Miss