|    Dec 13 Wed, 2017 1:16 am
FLASH NEWS
Home   >  Todays Paper  >  page 7  >  

ഭവനനിര്‍മാണ പദ്ധതികള്‍ പുനസ്സംവിധാനം ചെയ്യണം: ഇ ടി

Published : 4th May 2016 | Posted By: SMR

ന്യൂഡല്‍ഹി: ഭവനനിര്‍മാണം, നഗര ദാരിദ്ര്യ നിര്‍മാര്‍ജനം എന്നീ മന്ത്രാലയങ്ങളുടെ കീഴില്‍ പ്രവര്‍ത്തിക്കുന്ന എല്ലാ പദ്ധതികളും അനുഭവജ്ഞാനത്തിന്റെ വെളിച്ചത്തില്‍ പുനസ്സംവിധാനം ചെയ്യണമെന്ന് ഇ ടി മുഹമ്മദ് ബഷീര്‍ എംപി. പാര്‍ലമെന്റിലെ ധനാഭ്യര്‍ഥന ചര്‍ച്ചയില്‍ പങ്കെടുത്തു സംസാരിക്കവെയാണ് എംപി ഈ നിര്‍ദേശം മുന്നോട്ടുവച്ചത്.
രാജ്യത്തെ വളര്‍ച്ചാ നിരക്കിന്റെ 60% നല്‍കുന്നത് ഇന്ത്യന്‍ നഗരങ്ങളാണ്. നഗരത്തിലെ ഭവനങ്ങളുടെ അപര്യാപ്തത 12ാം പദ്ധതി കാലത്ത് 18.78 മില്യനായി തീരുമെന്നാണു കണക്കാക്കപ്പെട്ടിരിക്കുന്നത്. നഗരത്തിലെ 35% ജനങ്ങള്‍ കടുത്ത ദാരിദ്ര്യത്തിന്റെ പിടിയിലാണ്. ചേരിവിമുക്ത ഇന്ത്യ, ഭക്ഷണം, വസ്ത്രം, പാര്‍പ്പിടം എന്നീ നമ്മുടെ മുദ്രാവാക്യങ്ങളൊന്നും ഉദ്ദിഷ്ട ഫലം കണ്ടിട്ടില്ല- എംപി പറഞ്ഞു.
എല്ലാവര്‍ക്കും താങ്ങാന്‍ കഴിയുന്ന ചെലവില്‍ ഭവനങ്ങള്‍ ലഭ്യമാക്കുക എന്ന സങ്കല്‍പ്പം യാഥാര്‍ഥ്യമാവണമെങ്കില്‍ കേന്ദ്ര, സംസ്ഥാന, തദ്ദേശ സ്വയംഭരണ സ്ഥാപനങ്ങള്‍ എന്നിവയുടെ സമ്പൂര്‍ണ സഹകരണത്തോടുകൂടിയുള്ള പദ്ധതികള്‍ അനിവാര്യമാണെന്നും എംപി പറഞ്ഞു.

വായനക്കാരുടെ അഭിപ്രായങ്ങള്‍ താഴെ എഴുതാവുന്നതാണ്. മംഗ്ലീഷ് ഒഴിവാക്കി മലയാളത്തിലോ ഇംഗ്ലീഷിലോ എഴുതുക. ദയവായി അവഹേളനപരവും വ്യക്തിപരമായ അധിക്ഷേപങ്ങളും അശ്ലീല പദപ്രയോഗങ്ങളും ഒഴിവാക്കുക .വായനക്കാരുടെ അഭിപ്രായ പ്രകടനങ്ങള്‍ക്കോ അധിക്ഷേപങ്ങള്‍ക്കോ അശ്ലീല പദപ്രയോഗങ്ങള്‍ക്കോ തേജസ്സ് ഉത്തരവാദിയായിരിക്കില്ല.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക