|    Jan 21 Sun, 2018 10:28 am
FLASH NEWS

ഭക്ഷ്യവിഷബാധ: അമ്പതോളം പേര്‍ ആശുപത്രിയില്‍

Published : 8th January 2018 | Posted By: kasim kzm

മാഹി: ചാലക്കരയിലെ മാഹി ദന്തല്‍ കോളജ് കാംപസിലെ കാന്റീനില്‍നിന്ന് ഭക്ഷണം കഴിച്ച അമ്പതോളം വിദ്യാര്‍ഥികള്‍ക്കും രണ്ട് അധ്യാപകര്‍ക്കും വിഷബാധയേറ്റു. കഴിഞ്ഞ മൂന്ന് ദിവസങ്ങളിലായി വിഷബാധയേറ്റവര്‍ക്ക് തലശ്ശേരി ഇന്ദിരാഗാന്ധി സഹകരണ ആശുപത്രിയില്‍ ചികില്‍സ നല്‍കി. ഡോക്ടര്‍മാരായ പ്രേം ശശികുമാര്‍, ബീന സെബാസ്റ്റ്യന്‍ എന്നിവരും ചികില്‍സ തേടിയവരില്‍ ഉള്‍പ്പെടും. സംഭവത്തെ തുടര്‍ന്ന് ഈമാസം 16 വരെ കോളജിന് അവധി നല്‍കി.  പള്ളൂര്‍ ഗവ. ആശുപത്രിയിലെ ആരോഗ്യവിഭാഗം ഉദ്യോഗസ്ഥര്‍ ദന്തല്‍ കോളജില്‍ പരിശോധന നടത്തി. വെള്ളം പരിശോധനക്കായി കണ്ണൂരിലെ ലാബിലേക്ക് അയച്ചു. സംഭവത്തെക്കുറിച്ച് സമഗ്രാന്വേഷണം വേണമെന്നും വിദ്യാര്‍ഥികളുടെ ആരോഗ്യസുരക്ഷ ഉറപ്പുവരുത്തണമെന്നും ജനശബ്ദം മാഹി പ്രവര്‍ത്തക സമിതി ആവശ്യപ്പെട്ടു.

  ......................................................................................................................                                                                          
വായനക്കാരുടെ അഭിപ്രായങ്ങള്‍ താഴെ എഴുതാവുന്നതാണ്. മംഗ്ലീഷ് ഒഴിവാക്കി മലയാളത്തിലോ ഇംഗ്ലീഷിലോ എഴുതുക. ദയവായി അവഹേളനപരവും വ്യക്തിപരമായ അധിക്ഷേപങ്ങളും അശ്ലീല പദപ്രയോഗങ്ങളും ഒഴിവാക്കുക .വായനക്കാരുടെ അഭിപ്രായ പ്രകടനങ്ങള്‍ക്കോ അധിക്ഷേപങ്ങള്‍ക്കോ അശ്ലീല പദപ്രയോഗങ്ങള്‍ക്കോ തേജസ്സ് ഉത്തരവാദിയായിരിക്കില്ല.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക


Top stories of the day