|    Oct 23 Mon, 2017 1:27 pm
FLASH NEWS
Home   >  Todays Paper  >  page 9  >  

ഭക്ഷണത്തില്‍ വിഷാംശം: പാകിസ്താനില്‍ 23 മരണം

Published : 26th April 2016 | Posted By: SMR

ഇസ്‌ലാമാബാദ്: മധുരപലഹാരത്തില്‍ നിന്നു വിഷാംശമേറ്റ് മധ്യ പാകിസ്താനില്‍ 23 പേര്‍ മരിച്ചു. മകന്റെ പിറന്നാള്‍ ആഘോഷത്തിന് പഞ്ചാബ് പ്രവിശ്യയിലെ ഒരാള്‍ വിതരണം ചെയ്ത മധുരപലഹാരത്തിലാണ് വിഷാംശമുണ്ടായിരുന്നത്. ഇയാളും ബന്ധുക്കളായ 11 പേരും മരിച്ചവരില്‍ ഉള്‍പ്പെടും. ഒരാഴ്ചയ്ക്കിടെയാണ് 23 പേരും മരിച്ചിരിക്കുന്നത്. 77 പേര്‍ക്ക് വിഷബാധയേറ്റിട്ടുണ്ട്. ഇതില്‍ അഞ്ചു പേരുടെ നില ഗുരുതരമാണ്.
പ്രാദേശിക ബേക്കറിയുടെ ഉടമസ്ഥരെയും ഏതാനും ജീവനക്കാരെയും പോലിസ് അറസ്റ്റ് ചെയ്തു. ബേക്കറിക്കു തൊട്ടടുത്ത കടയില്‍ സൂക്ഷിച്ച കീടനാശിനിയില്‍ നിന്നും അബദ്ധത്തില്‍ പലഹാരങ്ങളില്‍ ചേര്‍ന്നതാവാമെന്നാണ് നിഗമനം.

                                                                               
വായനക്കാരുടെ അഭിപ്രായങ്ങള്‍ താഴെ എഴുതാവുന്നതാണ്. മംഗ്ലീഷ് ഒഴിവാക്കി മലയാളത്തിലോ ഇംഗ്ലീഷിലോ എഴുതുക. ദയവായി അവഹേളനപരവും വ്യക്തിപരമായ അധിക്ഷേപങ്ങളും അശ്ലീല പദപ്രയോഗങ്ങളും ഒഴിവാക്കുക .വായനക്കാരുടെ അഭിപ്രായ പ്രകടനങ്ങള്‍ക്കോ അധിക്ഷേപങ്ങള്‍ക്കോ അശ്ലീല പദപ്രയോഗങ്ങള്‍ക്കോ തേജസ്സ് ഉത്തരവാദിയായിരിക്കില്ല.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക