ഗുവാഹത്തി: പൊള്ളലേറ്റതിനെ തുടര്‍ന്ന് ഗുവാഹത്തി മെഡിക്കല്‍ കോളജ് ആശുപത്രിയില്‍ പ്രവേശിപ്പിച്ച മൂന്നര വയസ്സുകാരന് രക്ത സ്വീകരണത്തിലൂടെ എച്ച്‌ഐവി ബാധ. കാംരൂപ് ജില്ലയിലെ തൊഴിലാളിയുടെ മകനെയാണ് 40 ശതമാനത്തോളം പൊള്ളലേറ്റതിനെ തുടര്‍ന്ന് കഴിഞ്ഞവര്‍ഷം ഏപ്രിലില്‍ ആശുപത്രിയില്‍ പ്രവേശിപ്പിച്ചത്. ചികില്‍സ സമയത്ത് പന്ത്രണ്ടോളം ശസ്ത്രക്രിയ വേണ്ടിവന്നതിനാല്‍ നിരവധി തവണ ബ്ലഡ് ബാങ്കില്‍ നിന്ന് രക്തം സ്വീകരിച്ചതായി ആശുപത്രി സൂപ്രണ്ട് ബാബുല്‍ കെ ബെസ്ബറൂഹ അറിയിച്ചു. മാര്‍ച്ച് 29ന് കുട്ടിയെ വീണ്ടും ആശുപത്രിയില്‍ കൊണ്ടുവന്നപ്പോള്‍ പരിശോധന നടത്തിയപ്പോഴാണ് എച്ച്‌ഐവി ബാധ സ്ഥിരീകരിച്ചത്.