|    Nov 17 Sat, 2018 3:37 am
FLASH NEWS
Home   >  Todays Paper  >  page 9  >  

ബ്രിട്ടന്‍ ജെറെമി ഹണ്ട് വിദേശകാര്യ സെക്രട്ടറി

Published : 11th July 2018 | Posted By: kasim kzm

ലണ്ടന്‍: ബ്രിട്ടനില്‍ ബോറിസ് ജോണ്‍സണ്‍ രാജിവച്ച ഒഴിവിലേക്ക് ജെറെമി ഹണ്ടിനെ വിദേശകാര്യ സെക്രട്ടറിയായി നിയമിച്ചു. നേരത്തേ ആരോഗ്യ സെക്രട്ടറി ചുമതല വഹിക്കുകയായിരുന്നു ഹണ്ട്്.
ബ്രെക്‌സിറ്റ് നയത്തില്‍ വിയോജിച്ച് കഴിഞ്ഞ ദിവസം വിദേശകാര്യ മന്ത്രി ബോറിസ് ജോണ്‍സണും ബ്രെക്‌സിറ്റ് മന്ത്രി ഡേവിഡ് ഡേവിസും രാജിവച്ചിരുന്നു. തുടര്‍ന്ന്, പ്രധാനമന്ത്രി തെരേസ മേയ് കാബിറ്റ് യോഗം വിളിച്ചുചേര്‍ക്കുകയും പുതിയ വിദേശകാര്യ സെക്രട്ടറിയെ തീരുമാനിക്കുകയുമായിരുന്നു. വളരെ തിരക്കുപിടിച്ച ആഴ്ചയാണ് താന്‍ മുന്‍കൂട്ടി കാണുന്നതെന്നു മേയ് കാബിനറ്റ് യോഗത്തിനു ശേഷം ട്വീറ്റ് ചെയ്തു. ബ്രെക്‌സിറ്റിനു ശേഷം യൂറോപ്യന്‍ യൂനിയന്‍ ബന്ധം തുടരുന്നതുമായി ബന്ധപ്പെട്ട് പ്രധാനമന്ത്രി തെരേസ മേയ് മുന്നോട്ടുവച്ച ധാരണയില്‍ വിയോജിച്ചാണ് ഇരുവരും രാജിവച്ചത്. 2019 മാര്‍ച്ച് 29ഓടെ യൂറോപ്യന്‍ യൂനിയനില്‍ നിന്നു പുറത്തുപോവാനാണ്  ബ്രിട്ടന്റെ തീരുമാനം. ബ്രെ—ക്‌സിറ്റ് നടപടികള്‍ക്ക് പൂര്‍ണ പിന്തുണ നല്‍കിയ രണ്ടു മന്ത്രിമാരുടെ രാജി ബ്രിട്ടനെ രാഷ്ട്രീയ പ്രതിസന്ധിയിലേക്കു നയിക്കുമെന്നാണു വിലയിരുത്തല്‍.

                                                                           
വായനക്കാരുടെ അഭിപ്രായങ്ങള്‍ താഴെ എഴുതാവുന്നതാണ്. മംഗ്ലീഷ് ഒഴിവാക്കി മലയാളത്തിലോ ഇംഗ്ലീഷിലോ എഴുതുക. ദയവായി അവഹേളനപരവും വ്യക്തിപരമായ അധിക്ഷേപങ്ങളും അശ്ലീല പദപ്രയോഗങ്ങളും ഒഴിവാക്കുക .വായനക്കാരുടെ അഭിപ്രായ പ്രകടനങ്ങള്‍ക്കോ അധിക്ഷേപങ്ങള്‍ക്കോ അശ്ലീല പദപ്രയോഗങ്ങള്‍ക്കോ തേജസ്സ് ഉത്തരവാദിയായിരിക്കില്ല.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക


Top stories of the day
Dont Miss