|    May 28 Sun, 2017 8:47 pm
FLASH NEWS

ബോളിവുഡ് നടി റീമാ ലാഗു അന്തരിച്ചു

Published : 18th May 2017 | Posted By: shins


മുംബൈ: ബോളിവുഡ് നടി റീമാ ലാഗു (59) അന്തരിച്ചു. ബുധനാഴ്ച രാത്രി ദേഹാസ്വാസ്ഥ്യം പ്രകടിപ്പിച്ചതിനെ തുടര്‍ന്ന് മുംബൈയിലെ സ്വകാര്യ ആശുപത്രിയില്‍ പ്രവേശിപ്പിച്ചെങ്കിലും ഹൃദയാഘാതത്തെ തുടര്‍ന്ന് മരിക്കുകയായിരുന്നു. 1980 കളില്‍ സിനിമാരംഗത്തേക്ക് പ്രവേശിച്ച റീമ ഏറെ തിളങ്ങിയത് താരങ്ങളുടെ അമ്മവേഷങ്ങളിലൂടെയായിരുന്നു. ശ്യം ബനഗല്‍ സംവിധാനം ചെയ്ത കല്‍യുഗ് എന്ന ചിത്രത്തിലൂടെ അരങ്ങേറ്റം കുറിച്ചു. പിന്നീട് ഹിന്ദി മറാത്തി ഭാഷകളിലായി നൂറോളം ചിത്രങ്ങളില്‍ വേഷമിട്ടിട്ടുണ്ട്. മേം നേ പ്യാര്‍ കിയാ, കുഛ് കുഛ് ഹോതാഹെ, ഹം സാത്ത് സാത്ത് ഹെ, വാസ്തവ് എന്നീ ചിത്രങ്ങളിലെ പ്രകടനങ്ങള്‍ ഏറെ ശ്രദ്ധിക്കപ്പെട്ടു. സല്‍മാന്‍ ഖാന്‍, ഷാരൂഖ് ഖാന്‍ എന്നിവരുടെ അമ്മ വേഷങ്ങളില്‍ റീമ തിളങ്ങിയിട്ടുണ്ട്. മുംബൈയിലെ നാടക നടിയായായിരുന്ന മന്ദാകിനി ഭധാടെയുടെ മകളായി 1958 ലാണ് റീമ ജനിക്കുന്നത്.

                                                                               
വായനക്കാരുടെ അഭിപ്രായങ്ങള്‍ താഴെ എഴുതാവുന്നതാണ്. മംഗ്ലീഷ് ഒഴിവാക്കി മലയാളത്തിലോ ഇംഗ്ലീഷിലോ എഴുതുക. ദയവായി അവഹേളനപരവും വ്യക്തിപരമായ അധിക്ഷേപങ്ങളും അശ്ലീല പദപ്രയോഗങ്ങളും ഒഴിവാക്കുക .വായനക്കാരുടെ അഭിപ്രായ പ്രകടനങ്ങള്‍ക്കോ അധിക്ഷേപങ്ങള്‍ക്കോ അശ്ലീല പദപ്രയോഗങ്ങള്‍ക്കോ തേജസ്സ് ഉത്തരവാദിയായിരിക്കില്ല.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക


Top stories of the day