|    May 28 Sun, 2017 6:04 pm
FLASH NEWS

ബോക്കോ ഹറാം തടവിലാക്കിയ 275 പേരെ നൈജീരിയന്‍ സൈന്യം മോചിപ്പിച്ചു

Published : 6th April 2016 | Posted By: SMR

അബുജ: വടക്കുകിഴക്കന്‍ നൈജീരിയയിലെ ബോര്‍ണോ സംസ്ഥാനത്തുനിന്നു ബോക്കോ ഹറാം സായുധപ്രവര്‍ത്തകര്‍ തടവിലാക്കിയ 275 പേരെ സര്‍ക്കാര്‍ സൈന്യം മോചിപ്പിച്ചു. ഇതില്‍ ഒരു സ്ത്രീയും നവജാത ശിശുവും ഉള്‍പ്പെടും. ദൗത്യത്തിനിടെ 15 ബോക്കോ ഹറാം പ്രവര്‍ത്തകരെ കൊലപ്പെടുത്തിയതായി സൈന്യം അവകാശപ്പെട്ടു. മദവായ മേഖലയില്‍ നിന്നാണ് ഇവരെ മോചിപ്പിച്ചതെന്നും മോചനത്തിനുശേഷമാണു സ്ത്രീ കുഞ്ഞിനു ജന്‍മം നല്‍കിയതെന്നും സൈനിക വക്താവ് സാനി ഉസ്മാന്‍ അറിയിച്ചു.
മദവായ, ജെറെ, കാര്‍ഡൈല്‍, കൂജിലി, മക്‌സമരി തുടങ്ങിയ പ്രദേശങ്ങളില്‍ നിന്ന് ബോക്കോ ഹറാമിനെ തുരത്തിയതായും അവരുടെ ആയുധശേഖരം കണ്ടെത്തി നശിപ്പിച്ചതായും സൈന്യം അവകാശപ്പെട്ടു. ബോക്കോ ഹറാമിന്റെ സുപ്രധാന നേതാവിനെ അറസ്റ്റ് ചെയ്‌തെന്ന് റിപോര്‍ട്ടുകളുണ്ടെങ്കിലും സ്ഥിരീകരിച്ചിട്ടില്ല.

                                                                               
വായനക്കാരുടെ അഭിപ്രായങ്ങള്‍ താഴെ എഴുതാവുന്നതാണ്. മംഗ്ലീഷ് ഒഴിവാക്കി മലയാളത്തിലോ ഇംഗ്ലീഷിലോ എഴുതുക. ദയവായി അവഹേളനപരവും വ്യക്തിപരമായ അധിക്ഷേപങ്ങളും അശ്ലീല പദപ്രയോഗങ്ങളും ഒഴിവാക്കുക .വായനക്കാരുടെ അഭിപ്രായ പ്രകടനങ്ങള്‍ക്കോ അധിക്ഷേപങ്ങള്‍ക്കോ അശ്ലീല പദപ്രയോഗങ്ങള്‍ക്കോ തേജസ്സ് ഉത്തരവാദിയായിരിക്കില്ല.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക


Top stories of the day