|    Aug 19 Sun, 2018 11:14 am
FLASH NEWS
Home   >  Kerala   >  

ബോംബേറ് കേസിലെ പ്രതിയെ പോലീസ് ജീപ്പ് തടഞ്ഞ്‌നിര്‍ത്തി മോചിപ്പിച്ച് സിപിഎം

Published : 2nd May 2018 | Posted By: mi.ptk

പേരാമ്പ്ര: ബോംബേറ് കേസ് പ്രതിയെ പോലീസ് ജീപ്പ് തടഞ്ഞുനിര്‍ത്തി മോചിപ്പിച്ച് സിപിഎം പ്രവര്‍ത്തകര്‍.ശിവജി സേന പ്രവര്‍ത്തകരുടെ വീടിന് നേരെ ബോംബെറിഞ്ഞ സിപിഎം പ്രവര്‍ത്തകനായ സുധാകരനെയാണ് ഇന്നലെ പോലീസ് ജീപ്പ് തടഞ്ഞുനിര്‍ത്തി ബലമായി മോചിപ്പിച്ചത്. പേരാമ്പ്ര ബസ് സ്റ്റാന്റ് പരിസരത്തുവച്ചായിരുന്നു സംഭവം. പ്രതിയെ അറസ്റ്റ് ചെയ്ത് പോകുകയായിരുന്ന പോലീസ് ജീപ്പ് തടഞ്ഞ് നിര്‍ത്തി ഒരുസംഘം സിപിഎം പ്രവര്‍ത്തകര്‍ ഇയാളെ മോചിപ്പിക്കുകയായിരുന്നു. സംഭവം വിവാദമായതോടെ ഇന്ന് പ്രതിയെ സ്റ്റേഷനില്‍ ഹാജരാക്കി. എന്നാല്‍ 15 സിപിഎം പ്രവര്‍ത്തകര്‍ക്കെതിരെ പോലീസ് കേസെടുത്തിട്ടുണ്ട്.
വിഷു ദിനത്തില്‍ സിപിഎം-ശിവജി സേന പ്രവര്‍ത്തകര്‍ തമ്മിലുണ്ടായ വാക്കേറ്റത്തിനും സംഘര്‍ഷത്തിനും തുടര്‍ച്ചയായാണ് ബോംബേറുണ്ടായത്. ശിവജി സേന പ്രവര്‍ത്തകന്‍ വിഷ്ണുവിന്റെ വീടിന് നേരെ ബോംബെറിഞ്ഞ കേസിലെ പ്രതിയാണ് സുധാകരന്‍.

                                                                           
വായനക്കാരുടെ അഭിപ്രായങ്ങള്‍ താഴെ എഴുതാവുന്നതാണ്. മംഗ്ലീഷ് ഒഴിവാക്കി മലയാളത്തിലോ ഇംഗ്ലീഷിലോ എഴുതുക. ദയവായി അവഹേളനപരവും വ്യക്തിപരമായ അധിക്ഷേപങ്ങളും അശ്ലീല പദപ്രയോഗങ്ങളും ഒഴിവാക്കുക .വായനക്കാരുടെ അഭിപ്രായ പ്രകടനങ്ങള്‍ക്കോ അധിക്ഷേപങ്ങള്‍ക്കോ അശ്ലീല പദപ്രയോഗങ്ങള്‍ക്കോ തേജസ്സ് ഉത്തരവാദിയായിരിക്കില്ല.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക


Top stories of the day
Dont Miss