|    Apr 20 Fri, 2018 10:49 am
FLASH NEWS
Home   >  Todays Paper  >  page 12  >  

ബോംബുണ്ടെന്ന് തമാശ പറഞ്ഞ യുവാവിന്റെ വിമാനയാത്ര മുടങ്ങി

Published : 31st May 2016 | Posted By: SMR

നെടുമ്പാശ്ശേരി: നെടുമ്പാശ്ശേരി വിമാനത്താവളത്തില്‍ നിന്ന് മലേസ്യ വഴി സിങ്കപ്പൂരിലേക്കു പോവാനെത്തിയ യുവാവ് ബാഗേജില്‍ ബോംബുണ്ടെന്ന് തമാശ പറഞ്ഞതു മൂലം യാത്ര മുടങ്ങി. ഇരിങ്ങാലക്കുട കറുകത്തന വീട്ടില്‍ അനൂപ് മുഹമ്മദാലിയാണ് ബാഗേജില്‍ ബോംബുണ്ടന്ന് തമാശ പറഞ്ഞു കെണിയിലായത്. ഇദ്ദേഹത്തെ നെടുമ്പാശ്ശേരി വിമാനത്താവളത്തിലെ എമിഗ്രേഷന്‍ വിഭാഗം കസ്റ്റഡിയിലെടുത്തു.
ഞായറാഴ്ച രാത്രി പതിനൊന്നിന് മിലാന്‍സോ എയര്‍വേയ്‌സ് വിമാനത്തിലാണ് അനൂപ് മുഹമ്മദാലി ക്വാലാലംപൂര്‍ വഴി സിങ്കപ്പൂരിലേക്കു പോവാനെത്തിയത്. പരിശോധനയ്ക്കിടയില്‍ ബാഗേജില്‍ ബോംബുണ്ടന്ന് തമാശ പറഞ്ഞതാണ് പൊല്ലാപ്പായത്. അനൂപ് മുഹമ്മദാലിയുടെ കൂടെ യാത്ര ചെയ്യാനെത്തിയ മറ്റ് മൂന്നു പേരും ബുദ്ധിമുട്ടില്ലാതെ സിങ്കപ്പൂരിലേക്കു യാത്രതിരിച്ചു. എമിഗ്രേഷന്‍ വിഭാഗം ഇദ്ദേഹത്തെ നെടുമ്പാശ്ശേരി പോലിസിനു കൈമാറി.
ദൃശ്യമാധ്യമങ്ങള്‍ക്ക് ആവശ്യമായ സാങ്കേതിക ഉപകരണങ്ങള്‍ വിതരണം ചെയ്യുന്ന എറണാകളത്തെ ഒരു സ്ഥാപനത്തിലെ ജീവനക്കാരനാണ് അനൂപ് മുഹമ്മദാലി. സിങ്കപ്പൂരില്‍ നടക്കുന്ന എക്‌സ്‌പോയില്‍ പങ്കെടുക്കുന്നതിനായി യാത്രക്കെത്തിയപ്പോഴാണ് പൊല്ലാപ്പിലായത്‌

  ......................................................................................................................                                                                          
വായനക്കാരുടെ അഭിപ്രായങ്ങള്‍ താഴെ എഴുതാവുന്നതാണ്. മംഗ്ലീഷ് ഒഴിവാക്കി മലയാളത്തിലോ ഇംഗ്ലീഷിലോ എഴുതുക. ദയവായി അവഹേളനപരവും വ്യക്തിപരമായ അധിക്ഷേപങ്ങളും അശ്ലീല പദപ്രയോഗങ്ങളും ഒഴിവാക്കുക .വായനക്കാരുടെ അഭിപ്രായ പ്രകടനങ്ങള്‍ക്കോ അധിക്ഷേപങ്ങള്‍ക്കോ അശ്ലീല പദപ്രയോഗങ്ങള്‍ക്കോ തേജസ്സ് ഉത്തരവാദിയായിരിക്കില്ല.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക


Dont Miss