|    Nov 19 Mon, 2018 4:47 pm
FLASH NEWS

ബൈപാസ് അലൈന്‍മെന്റ് മാറ്റംജനവഞ്ചനയ്‌ക്കെതിരേ മിനി സിവില്‍ സ്റ്റേഷന്‍ മാര്‍ച്ച്

Published : 16th May 2018 | Posted By: kasim kzm

പേരാമ്പ്ര: ഇടതുസര്‍ക്കാരിന്റെ ജനവഞ്ചനയ്‌ക്കെതിരേയും അലൈന്‍മെന്റ് മാറ്റത്തിലൂടെ പേരാമ്പ്ര ബൈപ്പാസ് ഇല്ലാതാക്കാന്‍ ശ്രമിക്കുന്ന ഭരണകൂട ഗൂഢാലോചനക്കെതിരേയും യുഡിഎഫ് നിയോജക മണ്ഡലം കമ്മിറ്റിയുടെ ആഭിമുഖ്യത്തില്‍ പേരാമ്പ്ര മിനി സിവില്‍ സ്‌റ്റേഷനിലേക്ക് മാര്‍ച്ച് നടത്തി. കെപിസിസി അംഗം കെ ബാലനാരായണന്‍ ഉദ്ഘാടനം ചെയ്തു. വന്‍കിടക്കാര്‍ക്കുവേണ്ടിയാണ് ബൈപ്പാസിന്റെ അലെന്‍മെന്റ് മാറ്റിയതെന്നും മന്ത്രി ടി പി രാമകൃഷ്ണന്‍ ജനങ്ങളെ വഞ്ചിക്കുകയാണെന്നും  അദ്ദേഹം പറഞ്ഞു.
ടി കെ ഇബ്രാഹിം അധ്യക്ഷത വഹിച്ചു. മുസ്‌ലിം ലീഗ് ജില്ലാ സെക്രട്ടറി സി പി എ അസീസ്,  ഡിസിസി ഭാരവാഹികളായ സത്യന്‍ കടിയങ്ങാട്, ഇ അശോകന്‍, മുനീര്‍ എരവത്ത്, ഇ വി രാമചന്ദ്രന്‍, കെ കെ വിനോദന്‍, യുഡിഎഫ് കണ്‍വീനര്‍ എന്‍ പി വിജയന്‍, ബ്ലോക്ക് കോണ്‍ഗ്രസ് പ്രസിഡന്റുമാരായ രാജന്‍ മരുതേരി, കെ പി വേണുഗോപാല്‍, യൂത്ത് കോണ്‍ഗ്രസ് പാര്‍ലമെന്റ് മണ്ഡലം പ്രസിഡന്റ് പി കെ രാഗേഷ്, കേരള കോണ്‍ഗ്രസ് (ജേക്കബ്) ജില്ലാ ജനറല്‍സെക്രട്ടറി രാജന്‍ വര്‍ക്കി, കിഴിഞ്ഞാണ്യം കുഞ്ഞിരാമന്‍, കല്ലൂര്‍ മുഹമ്മദലി, ആവള ഹമീദ് സംസാരിച്ചു.

                                                                           
വായനക്കാരുടെ അഭിപ്രായങ്ങള്‍ താഴെ എഴുതാവുന്നതാണ്. മംഗ്ലീഷ് ഒഴിവാക്കി മലയാളത്തിലോ ഇംഗ്ലീഷിലോ എഴുതുക. ദയവായി അവഹേളനപരവും വ്യക്തിപരമായ അധിക്ഷേപങ്ങളും അശ്ലീല പദപ്രയോഗങ്ങളും ഒഴിവാക്കുക .വായനക്കാരുടെ അഭിപ്രായ പ്രകടനങ്ങള്‍ക്കോ അധിക്ഷേപങ്ങള്‍ക്കോ അശ്ലീല പദപ്രയോഗങ്ങള്‍ക്കോ തേജസ്സ് ഉത്തരവാദിയായിരിക്കില്ല.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക


Top stories of the day
Dont Miss