|    Jun 20 Wed, 2018 1:28 pm
FLASH NEWS

ബൈക്ക് മോഷണക്കേസില്‍ യുവാക്കള്‍ പിടിയില്‍

Published : 11th May 2017 | Posted By: fsq

 

തൃശൂര്‍: ബൈക്ക് മോഷണക്കേസില്‍ യുവാക്കള്‍ പിടിയില്‍. മഞ്ചേരി ആനക്കയം ഊളമഠത്തില്‍ ഷക്കീര്‍, കരിമണ്ണിന്‍ പട്ടിയില്‍ വീട്ടില്‍ മുഹമ്മദ് ജെസല്‍ എന്നിവരെയാണ് പോലിസ് പട്രോളിങിനിടെ പിടികൂടിയത്. കെഎല്‍ 48 സി 4885 എന്ന ബൈക്ക് അതിവേഗതയില്‍ ഓടിച്ചു വരുന്നത് ശ്രദ്ധയില്‍പ്പെട്ട എസ്‌ഐ വി പി ഔസേപ്പിന്റെ നേതൃത്വത്തിലുള്ള പോലിസ് സംഘം ഇവരെ തടഞ്ഞു നിറുത്തുകയായിരുന്നു. വാഹനത്തിന്റെ രേഖകള്‍ കാണിക്കാന്‍ വിസമ്മതിക്കുകയും പരസ്പര വിരുദ്ധമായ കാര്യങ്ങള്‍ പറയുകയും ചെയ്ത പ്രതികളെ അറസ്റ്റ് ചെയ്ത് സ്റ്റേഷനില്‍ കൊണ്ടുവന്ന് ചോദ്യം ചെയ്തപ്പോഴാണ് മോഷണം വിവരം അറിഞ്ഞത്. തുടര്‍ന്ന് നടത്തിയ അന്വേഷണത്തില്‍ വാഹനം പൂങ്കുന്നം ഊക്കന്‍വീട്ടില്‍ പൗളി മകന്‍ അഖിലിന്റേതാണ് മോട്ടോര്‍ സൈക്കിള്‍ എന്ന് കണ്ടെത്തി. എഎസ്‌ഐ ബിനന്‍, സിപിഒ സന്തോഷ് ജോര്‍ജ് എന്നിവരും പോലിസ് സംഘത്തിലുണ്ടായിരുന്നു. കോടതിയില്‍ ഹാജരാക്കിയ പ്രതികളെ കോടതി റിമാന്‍ഡ് ചെയ്തു.

  ......................................................................................................................                                                                          
വായനക്കാരുടെ അഭിപ്രായങ്ങള്‍ താഴെ എഴുതാവുന്നതാണ്. മംഗ്ലീഷ് ഒഴിവാക്കി മലയാളത്തിലോ ഇംഗ്ലീഷിലോ എഴുതുക. ദയവായി അവഹേളനപരവും വ്യക്തിപരമായ അധിക്ഷേപങ്ങളും അശ്ലീല പദപ്രയോഗങ്ങളും ഒഴിവാക്കുക .വായനക്കാരുടെ അഭിപ്രായ പ്രകടനങ്ങള്‍ക്കോ അധിക്ഷേപങ്ങള്‍ക്കോ അശ്ലീല പദപ്രയോഗങ്ങള്‍ക്കോ തേജസ്സ് ഉത്തരവാദിയായിരിക്കില്ല.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക


Top stories of the day
Dont Miss