|    Mar 23 Thu, 2017 4:10 pm
FLASH NEWS

ബെഹ്‌റയെ ഡിജിപി ആക്കിയത് സിപിഎം-ബിജെപി ധാരണ: എം എം ഹസ്സന്‍

Published : 15th June 2016 | Posted By: SMR

തിരുവനന്തപുരം: ലോക്‌നാഥ് ബെഹ്‌റയെ ഡിജിപി ആക്കിയത് സിപിഎം-ബിജെപി ധാരണയുടെ അടിസ്ഥാനത്തിലാണെന്ന് കെപിസിസി വൈസ് പ്രസിഡന്റ് എം എം ഹസ്സന്‍. തിരുവനന്തപുരം ഡിസിസി നേതൃയോഗം ഉദ്ഘാടനം ചെയ്തു സംസാരിക്കുകയായിരുന്നു അദ്ദേഹം. ഇശ്‌റത് ജഹാന്‍ കേസ് അന്വേഷിച്ച കേന്ദ്ര അന്വേഷണസംഘത്തില്‍ അംഗമായിരുന്നു ബെഹ്‌റ. നരേന്ദ്രമോദിക്ക് ക്ലീന്‍ചിറ്റ് നല്‍കിയ അന്വേഷണസംഘത്തിലെ പ്രതിനിധിയായ ബെഹ്‌റയെ ഡിജിപി ആക്കിയത് സിപിഎം-ആര്‍എസ്എസ് രഹസ്യബന്ധത്തിന് ഉദാഹരണമാണ്. എഐഎഡിഎംകെയെ പാട്ടിലാക്കാന്‍ മുല്ലപ്പെരിയാര്‍ വിഷയത്തില്‍ ഡല്‍ഹിയില്‍ തമിഴ്‌നാടിന് അനുകൂലമായി പിണറായി വിജയന്‍ നടത്തിയ പ്രസ്താവന ബിജെപിയെയും നരേന്ദ്രമോദിയെയും സഹായിക്കാന്‍ ഉദ്ദേശിച്ചാണെന്നും ഹസ്സന്‍ പറഞ്ഞു. ഡിസിസി പ്രസിഡന്റ് കരകുളം കൃഷ്ണപിള്ള അധ്യക്ഷനായി. കെപിസിസി ജനറല്‍ സെക്രട്ടറിമാരായ തമ്പാനൂര്‍ രവി, എം വിന്‍സെന്റ് പങ്കെടുത്തു.

(Visited 89 times, 1 visits today)
thanur-inner                            
വായനക്കാരുടെ അഭിപ്രായങ്ങള്‍ താഴെ എഴുതാവുന്നതാണ്. മംഗ്ലീഷ് ഒഴിവാക്കി മലയാളത്തിലോ ഇംഗ്ലീഷിലോ എഴുതുക. ദയവായി അവഹേളനപരവും വ്യക്തിപരമായ അധിക്ഷേപങ്ങളും അശ്ലീല പദപ്രയോഗങ്ങളും ഒഴിവാക്കുക .വായനക്കാരുടെ അഭിപ്രായ പ്രകടനങ്ങള്‍ക്കോ അധിക്ഷേപങ്ങള്‍ക്കോ അശ്ലീല പദപ്രയോഗങ്ങള്‍ക്കോ തേജസ്സ് ഉത്തരവാദിയായിരിക്കില്ല.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക