|    Jun 19 Tue, 2018 12:09 pm
FLASH NEWS
Home   >  Todays Paper  >  page 9  >  

ബെര്‍ണാഡ് ലെവിസ് അന്തരിച്ചു

Published : 22nd May 2018 | Posted By: kasim kzm

വാഷിങ്ടണ്‍: ഇസ്രായേല്‍ അനുകൂല നിലപാടുകളിലൂടെ ശ്രദ്ധേയനായ പശ്ചിമേഷ്യന്‍ ചരിത്രകാരന്‍ ബെര്‍ണാഡ് ലെവിസ് അന്തരിച്ചു. 101 വയസ്സായിരുന്നു. ഇസ്രായേലിലെ ജൂത ഭരണകൂടത്തെ സംരക്ഷിക്കുന്നതിന് അറബ് മേഖലയിലെ പാശ്ചാത്യ ഇടപെടലുകള്‍ക്ക് പിന്തുണ നല്‍കിയിരുന്ന വലതുപക്ഷ ചിന്തകനായിരുന്നു ലെവിസ്.
നിരവധി ഭാഷകളില്‍ 30ലധികം പുസ്തകങ്ങളും നൂറുകണക്കിന് ലേഖനങ്ങളം പ്രസിദ്ധീകരിച്ചിട്ടുണ്ട്. ഇതിലെല്ലാം ആധുനിക പശ്ചിമേഷ്യയെ നിര്‍വചിച്ച ഭൂമിശാസ്ത്രപരമായ ഭിന്നതകള്‍ കണ്ടെത്താനായിരുന്നു അദ്ദേഹത്തിന്റെ ശ്രമം.
ആദ്യകാല യൂറോപ്യന്‍ ചരിത്രകാരന്‍മാരുടെ  കൊളോണിയല്‍ ആശയങ്ങളെയും ലെവിസ് പിന്താങ്ങിയിരുന്നു. രണ്ടാം ലോകമഹായുദ്ധകാലത്ത് ബ്രിട്ടിഷ് ഇന്റലിജന്‍സ് വിഭാഗത്തിനു വേണ്ടി മാര്‍ക്കറ്റുകളിലൂടെയും തെരുവുകളുടെ പിന്നാമ്പുറങ്ങളിലൂടെയും ലെവിസ് ചുറ്റിക്കറങ്ങി. ഇസ്രായേലിനോടുള്ള കൂറിന് പ്രത്യുപകാരമായി പ്രധാനമന്ത്രി ഗോള്‍ഡ് മീര്‍ ചായസല്‍ക്കാരത്തിന് ക്ഷണിച്ച് ആദരിച്ചിരുന്നു.

  ......................................................................................................................                                                                          
വായനക്കാരുടെ അഭിപ്രായങ്ങള്‍ താഴെ എഴുതാവുന്നതാണ്. മംഗ്ലീഷ് ഒഴിവാക്കി മലയാളത്തിലോ ഇംഗ്ലീഷിലോ എഴുതുക. ദയവായി അവഹേളനപരവും വ്യക്തിപരമായ അധിക്ഷേപങ്ങളും അശ്ലീല പദപ്രയോഗങ്ങളും ഒഴിവാക്കുക .വായനക്കാരുടെ അഭിപ്രായ പ്രകടനങ്ങള്‍ക്കോ അധിക്ഷേപങ്ങള്‍ക്കോ അശ്ലീല പദപ്രയോഗങ്ങള്‍ക്കോ തേജസ്സ് ഉത്തരവാദിയായിരിക്കില്ല.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക


Top stories of the day
Dont Miss