|    Nov 17 Sat, 2018 8:27 pm
FLASH NEWS
Home   >  Todays Paper  >  page 7  >  

ബുഖാരി വധം: മുഖപ്രസംഗം ഇല്ലാതെ കശ്മീര്‍ പത്രങ്ങള്‍

Published : 20th June 2018 | Posted By: kasim kzm

കശ്മീര്‍: മുതിര്‍ന്ന മാധ്യമ പ്രവര്‍ത്തകനും “റൈസിങ് കശ്മീര്‍ എഡിറ്ററുമായിരുന്ന ഷുജാഅത് ബുഖാരിയുടെ കൊലപാതകത്തില്‍ പ്രതിഷേധിച്ച് മുഖപ്രസംഗം എഴുതാതെ കശ്മീര്‍ ദിനപത്രങ്ങള്‍. 10 വര്‍ഷത്തിനിടെ ഇതാദ്യമായാണ് ഇംഗ്ലീഷ്, ഉര്‍ദു ഉള്‍പ്പെടെയുള്ള പത്രങ്ങള്‍ മുഖപ്രസംഗം ഒഴിവാക്കുന്നത്. പേജിലെ മറ്റു ഭാഗങ്ങള്‍ ഒഴിവാക്കിയിട്ടില്ല. “റൈസിങ് കശ്മീരും’ പ്രതിഷേധരംഗത്തുണ്ടായിരുന്നു.
തിങ്കളാഴ്ച സംസ്ഥാനത്തെ മുതിര്‍ന്ന പത്രാധിപരുടെ സമാജത്തിലാണു മുഖപ്രസംഗം എഴുതേണ്ടെന്നു പത്രങ്ങള്‍ തീരുമാനിച്ചത്. കൊലപാതകത്തില്‍ പ്രതിഷേധമെന്നോണം ഒരു ദിവസം പത്രം പ്രസിദ്ധീകരിക്കേണ്ടെന്നും അഭിപ്രായം ഉയര്‍ന്നിരുന്നു. എന്നാല്‍ പത്രങ്ങളുടെ ഹൃദയഭാഗമായ മുഖപ്രസംഗങ്ങള്‍ ഒഴിവാക്കാമെന്ന തീരുമാനത്തില്‍ പിന്നീട് എത്തിയെന്നു പത്രാധിപ കൂട്ടായ്മയില്‍ അംഗമായ ഷിഫത്കിര പറഞ്ഞു.  ജൂണ്‍ 14ന് ശ്രീനഗറിലെ പ്രസ് കോളനിയിലെ ഓഫിസിന് പുറത്തുവച്ചാണ് ബുഖാരി വെടിയേറ്റ് മരിക്കുന്നത്. നാലംഗ സംഘമാണ് ആക്രമണം നടത്തിയതെന്നാണു റിപോര്‍ട്ട്.

                                                                           
വായനക്കാരുടെ അഭിപ്രായങ്ങള്‍ താഴെ എഴുതാവുന്നതാണ്. മംഗ്ലീഷ് ഒഴിവാക്കി മലയാളത്തിലോ ഇംഗ്ലീഷിലോ എഴുതുക. ദയവായി അവഹേളനപരവും വ്യക്തിപരമായ അധിക്ഷേപങ്ങളും അശ്ലീല പദപ്രയോഗങ്ങളും ഒഴിവാക്കുക .വായനക്കാരുടെ അഭിപ്രായ പ്രകടനങ്ങള്‍ക്കോ അധിക്ഷേപങ്ങള്‍ക്കോ അശ്ലീല പദപ്രയോഗങ്ങള്‍ക്കോ തേജസ്സ് ഉത്തരവാദിയായിരിക്കില്ല.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക


Top stories of the day
Dont Miss