|    Nov 16 Fri, 2018 11:53 pm
FLASH NEWS
Home   >  Todays Paper  >  page 7  >  

ബുക്ക് ചെയ്ത സീറ്റില്‍ മറ്റൊരാള്‍ : യാത്രക്കാരന് റെയില്‍വേ 75,000 രൂപ നല്‍കാന്‍ ഉത്തരവ്‌

Published : 5th June 2017 | Posted By: fsq

 

ന്യൂഡല്‍ഹി: ട്രെയിനില്‍ മുന്‍കൂട്ടി ബുക്ക് ചെയ്ത സീറ്റില്‍ മറ്റൊരാള്‍ യാത്ര ചെയ്ത സംഭവത്തില്‍ യാത്രക്കാരനു റെയില്‍വേ 75,000 രൂപ നല്‍കാന്‍ ഡല്‍ഹി ഉപഭോക്തൃ തര്‍ക്കപരിഹാര കമ്മീഷന്‍ ഉത്തരവ്. വി വിജയകുമാര്‍ എന്ന യാത്രക്കാരന്റെ പരാതി പ്രകാരമാണ് നടപടി. 2013 മാര്‍ച്ച് 30നു വിശാഖപട്ടണത്തു നിന്നു ന്യൂഡല്‍ഹിയിലേക്ക് വിജയകുമാര്‍ ടിക്കറ്റ് ബുക്ക് ചെയ്‌തെങ്കിലും മധ്യപ്രദേശിലെ ബിന സ്‌റ്റേഷനില്‍ ട്രെയിന്‍ എത്തിയപ്പോള്‍ ഒരു സംഘം ആളുകള്‍ കോച്ചില്‍ കയറുകയും വിജയകുമാര്‍ ബുക്ക് ചെയ്ത സീറ്റ് കൈവശപ്പെടുത്തുകയുമായിരുന്നു. തുടര്‍ന്ന് പരാതിപ്പെടാന്‍ ടിടിഇയെ അന്വേഷിച്ചുവെങ്കിലും കണ്ടില്ലെന്നും വിജയകുമാറിന്റെ പരാതിയില്‍ പറയുന്നു. യാത്രക്കാരനുണ്ടായ ബുദ്ധിമുട്ട് പരിഗണിച്ച് റെയില്‍വേ 75,000 രൂപ നഷ്ടപരിഹാരം നല്‍കണമെന്നും തുകയുടെ മൂന്നിലൊന്ന് ഡ്യൂട്ടി സമയത്ത് ഉണ്ടായിരുന്ന ടിടിഇയുടെ ശമ്പളത്തില്‍ നിന്ന് ഈടാക്കണമെന്നും  ഉത്തരവില്‍ പറയുന്നു. റിസര്‍വ് ചെയ്തയാള്‍ക്ക് തന്നെ സീറ്റ് ലഭ്യമാക്കുന്നതില്‍ വീഴ്ച വരുത്തിയതിനാണ് ടിടിഇയില്‍ നിന്നു പിഴ ഈടാക്കാന്‍ വിധിച്ചിരിക്കുന്നത്.

                                                                           
വായനക്കാരുടെ അഭിപ്രായങ്ങള്‍ താഴെ എഴുതാവുന്നതാണ്. മംഗ്ലീഷ് ഒഴിവാക്കി മലയാളത്തിലോ ഇംഗ്ലീഷിലോ എഴുതുക. ദയവായി അവഹേളനപരവും വ്യക്തിപരമായ അധിക്ഷേപങ്ങളും അശ്ലീല പദപ്രയോഗങ്ങളും ഒഴിവാക്കുക .വായനക്കാരുടെ അഭിപ്രായ പ്രകടനങ്ങള്‍ക്കോ അധിക്ഷേപങ്ങള്‍ക്കോ അശ്ലീല പദപ്രയോഗങ്ങള്‍ക്കോ തേജസ്സ് ഉത്തരവാദിയായിരിക്കില്ല.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക


Top stories of the day
Dont Miss