|    Jul 23 Sun, 2017 10:12 pm
FLASH NEWS
Home   >  News now   >  

ബീഫ് റെയ്ഡ് : കേരളാ ഹൗസില്‍ പോത്തിറച്ചി വിഭവങ്ങള്‍ നിര്‍ത്തി

Published : 27th October 2015 | Posted By: G.A.G

ന്യൂഡല്‍ഹി : പശുവിറച്ചി വില്‍ക്കുന്നുവെന്നാരോപിച്ച് ഡല്‍ഹി പോലീസ് പരിശോധന നടത്തിയ പശ്ചാത്തലത്തില്‍ പോത്തിറച്ചിവിഭവങ്ങള്‍ വില്‍ക്കേണ്ടതില്ലെന്ന് കേരളാഹൗസ് അധികൃതര്‍ തീരുമാനിച്ചു. എന്നാല്‍ ഇതുസംബന്ധിച്ച നിര്‍ദേശമൊന്നും നല്‍കിയിട്ടില്ലെന്ന് ചീഫ് സെക്രട്ടറി ജിജി തോംസണ്‍ അറിയിച്ചു. എന്തു ഭക്ഷണം വിളമ്പാമെന്ന് കേരളാഹൗസിലെ ജീവനക്കാര്‍ക്ക് റസിഡന്റ് കമ്മീഷണറുമായി ആലോചിച്ച് തീരുമാനമെടുക്കാമെന്നും ജിജി തോംസണ്‍ പറഞ്ഞു.
വിവാദത്തിന്റെ പശ്ചാത്തലത്തില്‍ രാവിലെ കേരളാ ഹൗസ് ജീവനക്കാര്‍ ഇന്നു രാവിലെ അടിയന്തിരയോഗം നടത്തിയിരുന്നു.
കേരളാ ഹൗസില്‍ ബീഫ് വില്‍പനയുടെ പേരില്‍ പരിശോധന നടത്തിയ  ഡല്‍ഹി പോലിസിന്റെ നടപടിക്കെതിരെ കേരളത്തിന്റെ പ്രതിഷേധം ലഫ്. ജനറലിനെ കത്തുമുഖേന അറിയിക്കുമെന്ന്്് ആഭ്യന്തരമന്ത്രി രമേശ് ചെന്നിത്തല പറഞ്ഞു. ഉദ്യോഗസ്ഥരോട് കാര്യങ്ങള്‍ വിളിച്ചു ചോദിക്കേണ്ടതിന് പകരം നേരിട്ടെത്തി പരിശോധന നടത്തിയ നടപടി അനാവശ്യമാണെന്നും ചെന്നിത്തല ചൂണ്ടിക്കാട്ടി. ബീഫിന്റെ പേരില്‍ കേരളാഹൗസില്‍ പരിശോധന നടത്തിയ നടപടി തെറ്റായിപ്പോയെന്ന്് മുഖ്യമന്ത്രി ഉമ്മന്‍ചാണ്ടി പ്രതികരിച്ചു.

                                                                               
വായനക്കാരുടെ അഭിപ്രായങ്ങള്‍ താഴെ എഴുതാവുന്നതാണ്. മംഗ്ലീഷ് ഒഴിവാക്കി മലയാളത്തിലോ ഇംഗ്ലീഷിലോ എഴുതുക. ദയവായി അവഹേളനപരവും വ്യക്തിപരമായ അധിക്ഷേപങ്ങളും അശ്ലീല പദപ്രയോഗങ്ങളും ഒഴിവാക്കുക .വായനക്കാരുടെ അഭിപ്രായ പ്രകടനങ്ങള്‍ക്കോ അധിക്ഷേപങ്ങള്‍ക്കോ അശ്ലീല പദപ്രയോഗങ്ങള്‍ക്കോ തേജസ്സ് ഉത്തരവാദിയായിരിക്കില്ല.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക