|    Nov 15 Thu, 2018 1:37 am
FLASH NEWS
Home   >  Todays Paper  >  page 7  >  

ബിഹാറില്‍ വിവരാവകാശ പ്രവര്‍ത്തകന്‍ വെടിയേറ്റു മരിച്ചു

Published : 21st June 2018 | Posted By: kasim kzm

മോട്ടിഹാരി: ബിഹാറില്‍ വിവരാവകാശ പ്രവര്‍ത്തകന്‍ അജ്ഞാതരുടെ വെടിയേറ്റ് മരിച്ചു. രാജേന്ദ്ര സിങ് (65) ആണ് പൂര്‍വ ചമ്പാരന്‍ ജില്ലയില്‍ കൊല്ലപ്പെട്ടത്. രാജ്പൂര്‍ ഗ്രാമക്കാരനായ സിങ് മോട്ടിഹാരിയിലെ കുറ്റ്‌ച്ചേരിയില്‍ നിന്നു ചൊവ്വാഴ്ച രാത്രി വൈകി മടങ്ങിവരുമ്പോഴാണ് വെടിയേറ്റത്. ആശുപത്രിയിലേക്ക് കൊണ്ടുപോവുന്ന വഴിയായിരുന്നു മരണമെന്ന് പിപ്രകോത്തി പോലിസ് സ്‌റ്റേഷന്റെ ചുമതലയുള്ള അഭിഷേക് രഞ്ജം കുമാര്‍ അറിയിച്ചു.
സ്വത്തുതര്‍ക്കത്തിന്റെ പേരിലാണ് സിങ് കൊല്ലപ്പെട്ടതെന്നാരോപിച്ച് അദ്ദേഹത്തിന്റെ ഭാര്യ ബ്രിജേശ്വരി പരാതി നല്‍കിയിട്ടുണ്ടെന്നും കുമാര്‍ പറഞ്ഞു. ഭര്‍ത്താവിന്റെ സഹോദരന്‍ സത്യേന്ദ്ര സിങ്, മരുമകന്‍ സുധാശു സിങ് തുടങ്ങിയവര്‍ രാജേന്ദ്ര സിങിനെ കൊല്ലാന്‍ ഗൂഢാലോചന നടത്തിയെന്നു പരാതിയില്‍ പറഞ്ഞിട്ടുണ്ട്. പോലിസ് കേസെടുത്തു.

                                                                           
വായനക്കാരുടെ അഭിപ്രായങ്ങള്‍ താഴെ എഴുതാവുന്നതാണ്. മംഗ്ലീഷ് ഒഴിവാക്കി മലയാളത്തിലോ ഇംഗ്ലീഷിലോ എഴുതുക. ദയവായി അവഹേളനപരവും വ്യക്തിപരമായ അധിക്ഷേപങ്ങളും അശ്ലീല പദപ്രയോഗങ്ങളും ഒഴിവാക്കുക .വായനക്കാരുടെ അഭിപ്രായ പ്രകടനങ്ങള്‍ക്കോ അധിക്ഷേപങ്ങള്‍ക്കോ അശ്ലീല പദപ്രയോഗങ്ങള്‍ക്കോ തേജസ്സ് ഉത്തരവാദിയായിരിക്കില്ല.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക


Top stories of the day
Dont Miss