|    Nov 18 Sun, 2018 10:25 pm
FLASH NEWS
Home   >  Todays Paper  >  page 7  >  

ബിഹാറിലെ മദ്യ ഉല്‍പാദകര്‍ക്ക് പഴയ സ്റ്റോക്ക് കയറ്റുമതി ചെയ്യാന്‍ ജൂലൈ 31 വരെ അനുമതി

Published : 9th June 2017 | Posted By: fsq

 

ന്യൂഡല്‍ഹി: ബിഹാറിലെ മദ്യ ഉല്‍പാദകര്‍ക്ക് പഴയ സ്റ്റോക്ക് മദ്യം ഇതര സംസ്ഥാനങ്ങളിലേക്ക് കയറ്റുമതിചെയ്യാന്‍ സുപ്രിംകോടതി ജൂലൈ 31 വരെ അനുമതി നല്‍കി. 200 കോടിയിലധികം രൂപയുടെ മദ്യം സ്റ്റോക്ക് ഉണ്ടെന്നാണ് കണക്ക്. ജൂലൈ 31ന് മുമ്പായി പഴയ സ്റ്റോക്ക് മദ്യം നശിപ്പിക്കാന്‍ സുപ്രിംകോടതി മെയ് 29ന് ഉത്തരവിട്ടിരുന്നു. എന്നാല്‍, ഇതു കയറ്റുമതി ചെയ്യുന്നതിനെക്കുറിച്ച് വിധിയില്‍ പറയാത്തതിനാല്‍ മദ്യ ഉല്‍പാദകര്‍ വീണ്ടും സുപ്രിംകോടതിയില്‍ ഹരജി സമര്‍പ്പിച്ചിരുന്നു. സുപ്രിംകോടതി ജസ്റ്റിസുമാരായ അശോക് ഭൂഷണ്‍, ദീപക് ഗുപ്ത എന്നിവരടങ്ങുന്ന അവധിക്കാല ബെഞ്ചാണ് മദ്യം ബിഹാറിനു പുറത്തേക്കു കയറ്റുമതി ചെയ്യാന്‍ അനുമതി നല്‍കിയത്. കഴിഞ്ഞവര്‍ഷം ഏപ്രിലിലായിരുന്നു നിതീഷ്‌കുമാര്‍ സര്‍ക്കാര്‍ സംസ്ഥാനത്ത് മദ്യനിരോധനം നടപ്പാക്കിയത്. ഇതോടനുബന്ധിച്ച് പഴയ സ്റ്റോക്ക് നശിപ്പിക്കാനുള്ള സമയം നീട്ടിയിരുന്നു.

                                                                           
വായനക്കാരുടെ അഭിപ്രായങ്ങള്‍ താഴെ എഴുതാവുന്നതാണ്. മംഗ്ലീഷ് ഒഴിവാക്കി മലയാളത്തിലോ ഇംഗ്ലീഷിലോ എഴുതുക. ദയവായി അവഹേളനപരവും വ്യക്തിപരമായ അധിക്ഷേപങ്ങളും അശ്ലീല പദപ്രയോഗങ്ങളും ഒഴിവാക്കുക .വായനക്കാരുടെ അഭിപ്രായ പ്രകടനങ്ങള്‍ക്കോ അധിക്ഷേപങ്ങള്‍ക്കോ അശ്ലീല പദപ്രയോഗങ്ങള്‍ക്കോ തേജസ്സ് ഉത്തരവാദിയായിരിക്കില്ല.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക


Top stories of the day
Dont Miss