|    Aug 20 Mon, 2018 1:04 am
FLASH NEWS

ബിലീവേഴ്‌സ് ചര്‍ച്ച് മെഡിക്കല്‍ കോളജില്‍ ഡെങ്കിപ്പനി ബാധിതര്‍ക്ക് പ്രത്യേക വാര്‍ഡ്

Published : 1st June 2017 | Posted By: fsq

 

തിരുവല്ല: ജില്ലയില്‍ ഡെങ്കിപ്പനി പടരുന്നു. ബിലീവേഴ്സ് ചര്‍ച്ച് മെഡിക്കല്‍ കോളജില്‍ ഡെങ്കിപ്പനി ബാധിതര്‍ക്കായി പ്രത്യേകം വാര്‍ഡ് ക്രമീകരിച്ചു. നിലവില്‍ പനി ബാധിച്ച് 10 പേരാണ് ഇവിടെ ചികില്‍സയിലുള്ളത്. ഇതില്‍ നാലു കുട്ടികളുമുണ്ട്. പനി വ്യാപിക്കുന്ന സാഹചര്യത്തില്‍ മറ്റുള്ളവര്‍ക്ക് പകരുന്നത് തടയുന്നതിനാണ് പ്രത്യേകം വാര്‍ഡ് ക്രമീകരിച്ചിരിക്കുന്നത്. എച്ച്1എന്‍1 അടക്കമുള്ള പകര്‍ച്ചപ്പനികള്‍ ജില്ലയില്‍ വ്യാപിക്കുകയാണ്. തിരുവനന്തപുരത്ത് പൊട്ടിപ്പുറപ്പെട്ട ഡെങ്കിപ്പനി കഴിഞ്ഞ ആഴ്ചയിലാണ് ജില്ലയില്‍ വ്യാപിച്ചു തുടങ്ങിയത്. ഡെങ്കിപ്പനിയുണ്ടോയെന്ന് അറിയുന്നതിനുള്ള പരിശോധനകള്‍ക്ക് നിരക്ക് ഇളവ് ഏര്‍പ്പെടുത്തിയതായി ആശുപത്രി അധികൃതര്‍ അറിയിച്ചു. ഡെങ്കി കണ്ടുപിടിക്കുന്നതിനുള്ള ഐജിജി, ഐജിഎം തുടങ്ങിയ പരിശോധനകള്‍ക്ക് 900          രൂപയാണ് എല്ലായിടത്തും ഈടാക്കുന്നത്. ഇവിടെ ഈ പരിശോധനയ്ക്ക് 490 രൂപ നല്‍കിയാല്‍ മതിയാകും. സാധാരണക്കാര്‍ക്ക് കൂടി ഈ ചെലവേറിയ പരിശോധനയുടെ ആനുകൂല്യം ലഭിക്കുന്നതിന് വേണ്ടിയാണ് നിരക്കില്‍ ഇളവ് ഏര്‍പ്പെടുത്തിയതെന്ന് ചെയര്‍മാന്‍ അറിയിച്ചു.

                                                                           
വായനക്കാരുടെ അഭിപ്രായങ്ങള്‍ താഴെ എഴുതാവുന്നതാണ്. മംഗ്ലീഷ് ഒഴിവാക്കി മലയാളത്തിലോ ഇംഗ്ലീഷിലോ എഴുതുക. ദയവായി അവഹേളനപരവും വ്യക്തിപരമായ അധിക്ഷേപങ്ങളും അശ്ലീല പദപ്രയോഗങ്ങളും ഒഴിവാക്കുക .വായനക്കാരുടെ അഭിപ്രായ പ്രകടനങ്ങള്‍ക്കോ അധിക്ഷേപങ്ങള്‍ക്കോ അശ്ലീല പദപ്രയോഗങ്ങള്‍ക്കോ തേജസ്സ് ഉത്തരവാദിയായിരിക്കില്ല.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക


Top stories of the day
Dont Miss